Cervo, 13 de marzo de 2014. O BNG reclama ao Concello prazos para a posta en funcionamento do novo saneamento e EDAR de San Cibrao que leva en proxecto dende fai trece anos. Os nacionalistas reclaman a reparación inmediata de dúas tapas da rede actual que verte sen depurar na zona de Cubelas e denuncian que os vertidos na zona do Chope e Paseo da Caosa , aínda coa posta en funcionamento da nova rede, non se solucionará o problema pola necesidade de substituír redes secundarias obsoletas no Porto de Arriba e a desconexión dalgunhas vivendas da Fontiña á rede existente na zona.
REPARACIÓN INMEDIATA DE DUAS ARQUETAS DA REDE XERAL NA ZONA DE CUBELAS
O BNG rexistra no concello varias solicitudes reclamando a reparación inmediata de dúas tapas da rede xeral de saneamento de San Cibrao a escasos metros do punto de vertido ao mar na zona de Cubelas en San Cibrao que supoñen un grave perigo para a poboación por estar, nun caso totalmente aberta por mor dos embates do mar dos últimos días e outra cunha tapa rota que debería ser substituída.
PRAZOS PARA A APERTURA DA EDAR E REDE XERAL DE SANEAMENTO
Ao tempo preséntase unha batería de preguntas na que se reclaman prazos de apertura para a nova EDAR e Rede Xeral de Saneamento de San Cibrao que o PP dende o goberno local anunciou no ano 2001 e segue sen entrar en funcionamento cos prexuízos de seguir vertendo directamente ao mar as augas residuais sen ningún tipo de depuración previa.
SOLUCIÓNS AOS VERTIDOS NA ZONA DO CHOPE E PASEO DA CAOSA
Os nacionalistas lembran que do proxecto inicial xa se fixeran dúas modificacións, inicialmente o vertido iría á zona da Limosa, despois á zona do Porto de Arriba onde verte actualmente e finalmente no Polígono de Cuíña. Aseguran que o goberno popular sendo Conselleiro de Medio Ambiente o Sr. Barreiro non adxudicou a obra ate ter perdidas as eleccións galegas en 2005 sen consignación orzamentaria que se dotaron economicamente e deron comezo cun Conselleiro do PSOE en 2009.
QUEREMOS UN VRAO SEN VERTIDO CONTAMINANTES AO MAR
O BNG reclama “un vrao sen vertidos contaminantes ao mar para mellorar a imaxe turística do concello”, estamos fartos de ver como a veciñanza local e visitante denuncia a imposibilidade de bañarse nas praias de Cubelas ou A Caosa pola desagradábel visión dos vertidos de augas residuais que chegan ás propias praias e por certo levan varios anos facendo perder a bandeira azul ao areal de Cubelas.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
