Dende o Partido Popular lamentan “o autoritarismo” da señora López Moreno ao impoñer una reforma dunha rúa que provocará a perda de prazas de estacionamento e un “dano económico” a todos os comercios desta zona
Burela, 13 de setembro de 2025. Os concelleiros do Partido Popular de Burela reclaman ao goberno local “consenso” á hora de acometer as obras da rúa Curros Enríquez, que están a xerar moitas queixas entre veciños e comerciantes, xa que a humanización desta rúa provocará a perda de prazas de estacionamento e “segundo afirman os afectados un prexuízo económico aos negocios”.
Os populares explican que as obras que se están a realizar na rúa Curros Enríquez traen de cabeza aos veciños e veciñas desta zona e das rúas da contorna.
Dende o Partido Popular de Burela “temos que facernos eco destas queixas” porque á realidade é que unha vez máis “queda en evidencia a incapacidade do goberno local de Burela”, liderado pola señora López Moreno, para poder desenvolver calquera proxecto con consenso. “Unicamente saben impoñer, algo que é evidente dende o inicio do mandato”, critican.
Dende o Grupo Municipal do Partido Popular de Burela xa denunciamos as numerosas irregularidades ou ilegalidades que a señora López Moreno está a cometer ou a permitir e, nesta ocasión “temos que lamentar a ausencia do cartel preceptivo indicativo da obra que se está a realizar nesta céntrica rúa de Burela, un suma e segue que se engade a outras xa denunciadas e que evidencian que a alcaldesa de Burela pensa que están por enriba do ben e do mal”.
MINIMIZAR AS MOLESTIAS
Dende o PP de Burela “somos conscientes de que toda obra leva parello unha serie de molestias, pero as autoridades locais deben de encargarse de minimizar estas molestias, pero lonxe de minimizalo semella que queren aumentalo ao carecer a obra de calquera tipo de información para facer, por exemplo, máis sinxela a mobilidade aos veciños.
Unha falta de información que “xera moitas críticas entre os veciños” que descoñecían a intención de humanizar esta rúa, perdendo prazas de aparcamento “unha dinámica na que está inmersa a señora López Moreno dende que aprobou o seu plan de mobilidade, co beneplácito dos seus consentidores do BNG”.
Tamén amosaron o seu malestar dende o comercio local que denuncian que se leva adiante unha nova obra sen ningún tipo de consenso, “algo que din afectará ao seu volume de vendas, provocando un dano económico aos negocios”.
Para os concelleiros populares “o goberno local ten que ter moita máis humildade da mostrada ata agora e sentarse cos veciños e comerciantes para consensuar os traballos e minimizar os danos que provocará a perda de prazas de aparcamento no día a día desta zona”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
