Antonio Ameijide afirma que na xunta de goberno do pasado venres o presidente da Deputación deu luz verde a case 400.000€ en dous convenios co Concello de A Pontenova: “a forma que ten Tomé de seguir sentado na presidencia da Deputación de Lugo e na secretaría xeral do seu partido é pagar a cota imposta polos alcaldes do PSOE”
Lugo, 16 de setembro de 2025. Un xunta de goberno provincial máis, José Tomé segue a pagar “o imposto revolucionario, a cota imposta polos alcaldes socialistas da provincia” para que o presidente da Deputación “siga unha semana máis a fronte da institución provincial e á fronte do seu partido na provincia.
O voceiro provincial popular, Antonio Ameijide, explica que o pasado venres aprobáronse dous novos convenios cun concello gobernado por un alcalde socialista, un por valor de 137.151,71€ e outro por valor de 250.000€ “curiosamente este último convenio por un importe coincidente cos últimos asinados con outros municipios gobernados por socialistas, confirmando así o imposto revolucionario que os rexedores do PSOE impuxeron a Tomé para que seguise á fronte da Deputación e do partido”.
Unha práctica que Antonio Ameijide condena totalmente: “non se pode permitir, baixo ningún concepto que Tomé satisfaga os seus intereses persoais cos cartos de todos os lucenses confirmando así que creou un ‘Plan Deputación B’ para seguir ocupando os sillóns que ocupa”.
O voceiro popular aproveita para recordar que “unicamente son os concellos gobernados por PSOE e BNG” os que se benefician dos convenios aprobados cada ventes en xunta de goberno xa que “non hai nin un € para máis da metade dos municipios da provincia, xustamente aqueles gobernados por alcaldes do Partido Popular”. “José Tomé non para de reclamar igualdade, unha igualdade que el mesmo quere demostrar que só é para os alcaldes do PSOE”, criticou.
Antonio Ameijide insiste en que “non criticamos que se colabore con concellos gobernados por PSOE e BNG, senón que o que criticamos é que só se colabore con eses municipios porque todos os concellos necesitan deses fondos”. “O sectarismo do que José Tomé fai gala cada día é o que o levará a afundirse aínda máis porque as vontades que se compran non duran no tempo, os mercenarios marchan cando se acaban os cartos”, sentenciou.
Os deputados Grupo Provincial Popular seguen a denunciar “a falta de igualdade e a arbitrariedade” coa que PSOE e BNG empregan os cartos da Deputación, “é dicir, de todos os lucenses” para axudar “única e exclusivamente aos concellos dos seus ‘amiguetes’, aqueles gobernados polas súas mesmas cores políticas”: “Está a xerar un Plan Deputación B no que unicamente colabora con alcaldes socialistas, unha cota para manterse na presidencia da Deputación”.
Ademais destes convenios con A Pontenova, dende o Grupo Provincial Popular recordan como a semana anterior aprobáronse en xunta de goberno provincial dous convenios, para os concellos de Vilalba e Pedrafita do Cebreiro, por máis de medio millón de euros, concretamente 262.977,50€ para o Concello de Vilalba e 249.000€ para o Concello de Pedrafita do Cebreiro.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
