O grupo municipal do PP en Viveiro pregunta polo servizo de recollida de aceites usados e a falta de auga na fonte da praza Juan Donapetry

O concelleiro popular de Viveiro Celestino García ven de rexistrar un par de preguntas sobre o servizo de recollida de aceites usados e colocación dos seus depósitos e a fonte de auga da praza Juan Donapetry.

Así, o concelleiro recorda que “no pleno do 20 de xuño de 2013, o grupo municipal popular fixo un ROGO dirixido ó alcalde para que realizase as xestións necesarias coa empresa que se encarga da colocación de depósitos e recollida de aceites usados, como unha medida para contribuir á mellora do noso medio ambiente, tal e como xa fan noutros Concellos da Mariña, sendo a súa resposta que xa se estaba facendo todo”. Como “pasaron varios meses e a situación sigue igual e dado que descoñececemos en que punto se encontran as xestións para dispor deste serivzo no noso Concello”, preguntan “en que punto se encontran, a día de hoxe, as mencionadas xestións coa empresa que se encarga da recollida de aceites usados e colocación dos depósitos”.

Por outra banda, recorda tamén que “no pleno do 1 de agosto de 2013 o grupo municipal do PP preguntaba ó alcalde pola fonte pública de pedra da praza Juan Donapetry, interesándonos pola falta de auga, así como que levaba moito tempo sin funcionar”. Nese Pleno, tal e como consta na acta, inforabase de que “a auga desta fonte proviña dun maniantial procedente dos prados existentes por enrriba do Campo de Urraca, que xa había anos que deixara de funcionar e non sen podía determinar a súa causa”. “Para poñela a funcionar sería necesario buscar o manantial e estes traballos poderianse facer cara os meses de setembro ou outubro; pero a día de hoxe a situación segue igual que naquel momento” polo que lle preguntan á alcaldesa sobre “o motivo polo que non mana auga desta fonte e para cando está prevista a súa reparación e posta en funcionamento”.