O IES Perdouro de Burela inaugura o VI Encontro de BD na Mariña o luns 24 de marzo aproveitando para presentar o número V da revista Banda Desexada, que recolle todo o feito nos encontros do ano pasado así coma traballos premiados na anterior edición, ás 11.00 horas na Biblioteca do centro.
E, como ven sendo habitual nos encontros, o día da inauguración danse cita na biblioteca figuras, persoeiros, bodacillos do mundo do sétimo arte. Este ano pedimos axilio aos superheroes para axudarnos a construir un mundo mellor e loitar contra os viláns. Para iso facemos o seguinte chamamento: “Presenta unha identificación de superheroe (capa, máscara, antifaz ou logo) para poder acceder á biblioteca e gozar dun chocolate cun anaco de lambona.”Xa vos diremos cantos superheroes acudiron a nosa cita. Disque Superman e Capitain América aparecerán polo Perdouro.
Actividades
Presentarse o cartel e tamén se farán proxeccións permanentes de curtas relacionadas co mundo da banda deseñada durante o recreo. Así mesmo, desenvolveranse obradoiros e exposicións en torno á banda deseñada.
Concurso de creación de banda deseñada
O certame que se enmarca nos VI Encontros de BD na Mariña presenta tres categorías: libre ou aberta (na que poderán participar autores de BD non profesionais que non publicasen nunha obra nin en álbums nin en revistas e que non gañasen en anos anteriores), escolar para alumnado de 15 ata 18 anos ou escolar para alumnado de ata 14 anos.
O tema será libre cos textos en galego. Cada autor/a poderá presentar as obras que considere oportunas, sempre que sexan orixinais e que teñan unha extensión máxima de catro páxinas, a cores ou en branco e negro. A técnica é libre. Os traballos presentaranse con dimensións DIN A-4.
O prazo de presentación dos traballos remata o 4 de maio.
Calquera información sobre os VI Encontros de BD na Mariña, encóntránse no blog http://bandadesexada.blogspot.com.es/.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
