Mondoñedo, 22 de marzo de 2014.- O Partido Popular de Mondoñedo dirixirá un rogo ao alcalde da localidade, o nacionalista Orlando González, no que lle solicitará que con carácter de urxencia corrobore se realmente as San Lucas están declaradas de Interese Turístico Nacional. De non ter esta distinción, os populares úrxenlle que inicie os trámites necesarios para que lle sexa concedida.
Os populares explican que As San Lucas contan coa distinción de Festa de Interese Turístico Galego dende o ano 1998; pero, todo parece indicar, que non son festas de Interese Turístico Nacional na actualidade, dado os cambios impostos na normativa sobre as competencias para outorgar estas distincións.
O PP refire a esta confusión que considera necesario que se estude e se analice dende o goberno local, para que realmente As San Lucas contén hoxe en día con esta declaración.
Confusión
Os populares explican que entre os anos 60 e finais dos 80 moitas festas obtiveron o galardón de Festa de Interese Turístico, un recoñecemento que, segundo matizan dende o PP, non tiña nada que ver coa categoría de Interese Turístico Nacional, a pesar de ser unha honra outorgada daquela polo Estado.
Tras as reformas de 1987 as Festas de Interese Turístico deixan de ser competencia do goberno Central e traspásase ás comunidades autónomas; que se encargan da declaración de Festa dentro de cada rexión. Polo tanto, esta circunstancia conleva moitos erros ata o punto de existir Concellos que catalogan as súas festas de Interese Turístico Nacional, sen selo de verdade. Este semella ser o caso das San Lucas.
Cursan unha petición dos veciños
Dende o Partido Popular aseguran que esta petición de estudar esta situación e de lograr a distinción para estas feiras, nace dos veciños froito do gran valor que teñen As San Lucas “e xa non só dende o punto de vista sentimental e subxectivo, senón tamén polo importante impacto turístico e económico que teñen para o municipio”.
As San Lucas ofrecen un interese real dende o punto de vista turístico, especialmente pola tradición da súa feira cabalar, que se converte nunha das máis antigas de Galicia e que vai este ano pola súa 858 edición.
Polo tanto, os populares defenden esta proposta e reiteran que as San Lucas son un importante foco de atracción tanto en Galicia como fóra da comunidade autónoma, polo que “agradeceríamos a implicación máxima da administración local para confirmar esta situación e lograr esta distinción para unha feira apegada á historia de Mondoñedo”
Aproveitar o potencial turístico de Mondoñedo
Os populares reivindican a necesidade de aproveitar todo o potencial turístico que ofrece a localidade e lograr a súa dinamización. Neste senso, dende o PP consideran que a potenciación das festas locais é un dos pasos a seguir.
Deste xeito, ademais de pedir que confirme a situación na que se atopan as San Lucas; dende o Partido Popular de Mondoñedo tamén lle piden ao nacionalista Orlando González que estude a posible tramitación para que o Mercado Medieval, As Quendas e a Semana Santa de Mondoñedo podan ter declaración de festas de interese turístico.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
