Burela, 26 de marzo de 2014.- Varios asuntos económicos se someterán a análise aprobación no pleno que se celebrará mañá pola tarde no Concello burelés. Verase un informe sobre o cumprimento da lei de morosidade. O alcalde, José Mª González Barcia, asegura que “no último semestre de 2013 cumpriuse coa lei de morosidade e podemos dicir que nun tempo récord se pagaron as facturas aos provedores. Desde o equipo de goberno estamos moi satisfeitos por elo, xa que así se axuda a manter os postos de traballo nesas empresas e non sofren problemas de liquidez. A principios deste ano baixouse un pouco esa media, non se pagou con tanta celeridade, pero traballamos para que esa boa liña se manteña”.
Outras das cuestións que se abordarán na sesión plenaria de mañá serán: a liquidación do presuposto de 2013 e un recoñecemento extraxudicial de crédito por importe duns 75.000 euros. O rexedor explica que “ese crédito irá destinado a pagar facturas correspondentes ao exercicio de 2013, que chegaron ao Concello en xaneiro deste ano cando esa contabilidade xa estaba pechada. Trátase dun procedemento que contempla a lei e que non lle xerará ás arcas municipais alteracións na súa liquidez nin na súa contabilidade”.
No pleno tamén se someterá a aprobación a baixada do soldo do alcalde, tal e como marca a lei, redución que xa se fixo efectiva o pasado 1 de xaneiro. E con carácter definitivo se aprobará a modificación da relación de postos de traballo.
González Barcia aludiu a unha das mocións que irán a debate mañá, trátase da presentada polo Grupo Mixto sobre o Torques de Burela. Para o alcalde “isto é dun cinismo total. PSOE e BNG, que gobernan a Deputación, tiveron a oportunidade de manter a colección Gil Varela en Lugo, tiveron a oportunidade de negociar coa familia para que esa obra, incluído o Torques, quedasen alí”. González Barcia lembrou que “desde o Concello lle solicitamos á Deputación a adopción de xestións para que esa colección quedase en Lugo, pero non serviu para nada. Por dúas veces demandei manter unha entrevista co presidente da institución provincial e a día de hoxe aínda non me chamaron para ese encontro. Os culpables de todo este desaguisado son o PSOE e o BNG, son José Ramón Gómez Besteiro, Antonio Veiga e Mario Outeiro. Eles son os culpables de que o Torques non estea no Museo Provincial”.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
