Presentación do libro ‘Para que nos serve Galiza’ en Ribadeo

Este venres 28 de marzo, ás 20.30 horas na Casa das Letras de Ribadeo celebrarase, organizado pola A.C. Francisco Lanza, un debate en torno ao ensaio de Xaime Subiela “Para que nos serve Galiza”. Estarán presentes, ademais do propio autor, Xavier Campos, concelleiro de mocedade en Ribadeo, traballador cultural, e membro da Executiva do BNG; Ismael Rego, exdeputado autonómico do PSdeG-PSOE, foi voceiro do Grupo Parlamentario Socialista; Celtia Traviesas, enxeñeira técnica agrícola pola Universidade de Santiago de Compostela e máster en xornalismo pola Universidade de Barcelona e a Columbia University de NY. Membro do espazo de aprendizaxe e creatividade pedagóxica Maumarela de Ribadeo. Convidámosvos a todos e todas a que vos acheguedes ata a Casa das Letras o vindeiro venres 28 de marzo, ás 20,30 para poderdes participar deste interesante debate.