Vista Alegre asistiu este sábado a un intenso derbi galego, que burelistas e santiagueses pecharon en táboas (2-2), mantendo o empate a puntos (37) e o soño por seguir na pelexa de gañarse o billete para os play off na última xornada da fase regular da liga de Primeira División LNFS. O cadro de Juanlu soubo ir contra corrente no marcador e armouse de paciencia para conseguir a igualada no segundo tramo tras o 1-2 a favor dos visitantes á chegada do descanso.
A piques de cumprirse o minuto 5 de xogo, David Pazos adiantou os santiagueses (0-1) superando a defensa laranxa en vaselina, ante a saída adiantada de Edu. Enseguida atopou o Burela FS o empate, no minuto 7, cun ataque liderado nos flancos por Burrito e Christian; David, buscando o despexe do lanzamento do malagueño, levouno ao fondo da rede (1-1). Edu desbaratou os visitantes, a David Pazos, tras superar o ecuador da primeira parte, pero nada puido facer no contraataque desde media pista tras roubo a Christian; chegaba o 1-2 do 20 compostelán. Os mariñáns dispuxeron de dúas boas oportunidades para a igualada antes do descanso, no 15, cunha asistencia de Burrito aos pés de Antoñito na área rival, e no 17, de novo con perigo de Burrito, que puido despexar Juanjo.
No segundo período, ambas as escuadras saíron moi enchufados con grandes ocasións. Intentouno Iago Míguez, no 22, pero unha mala pisada desequilibrou a correcta finalización. Poucos segundos despois o traballo apareceu na meta de Edu, que tivo que facer fronte primeira a David e máis tarde a Diego Quintela. O protagonismo en ataque para os laranxas asumiuno o nome de Antoñito, no 24, con perigo por partida dobre, nunha tentativa de despexe da defensa compostelá e nun potente disparo ao que saíu Juanjo. Tras o axexo de Palomeque no 25, Matamoros dispuxo de dous balóns de ouro, no 26, primeiro freado pola presión de David na área e despois cun lanzamento de lonxe que se foi desviado. O pichichi mariñán tamén traballou nunha boa asistencia, ante a que caeu Burrito na área visitante, no 29.
O Burela FS buscaba o empate con empeño, ante a orde practicamente imperturbable do Santiago Futsal, pero no 33 conseguiu atopar unha fisura; Isi levantou a bomboneira ao aproveitar un despexe na área santiaguesa (2-2). Co tándem Burrito-Isi, Vista Alegre púxose en pé, tan só un minuto despois, pero Juanjo puido salvar o esférico desde o chan. Os composteláns tamén tiñan ganas de gol; tras un disparo desviado de Hugo, Edu, impecable na súa actuación, tivo que aplicarse a fondo no axexo rival a balón parado, cun par de lanzamentos envelenados de Palomeque. O Burela FS quería os tres puntos, que case se fixeron realidade nunha brillante oportunidade de Mimi, no 37, que estrelou contra o largueiro un balón que atrasou Iago Mimi desde a área visitante. A dous minutos para o final, Burrito vestiu a camiseta de porteiro-xogador, sen tempo para cumprir o obxectivo da vitoria.
Venres 25
A última xornada, o venres 25, ás 21.00 horas decidirá os postos de play off. O Burela FS, na súa pugna en Marfil (cuarto clasificado, 50 puntos), terá opcións de aspirar ata a sexta praza, ostentada por Ríos Renovables (39 puntos), que visita a pista do Jumilla (sétimo, 38) en duelo directo. Santiago recibirá o todopoderoso ElPozo Murcia, desde a terceira praza (65 puntos).
Ficha técnica
Burela FS Pescados Rubén: Edu, Mimi, Iago Míguez, Isi, Juanma, cinco inicial; tamén xogaron Matamoros, Burrito, Antoñito, Christian, Hugo
Santiago Futsal: Juanjo, David, Barroso, Hugo, Diego Quintela, cinco inicial; tamén xogaron Palomeque, Hamza, David Pazos, Pablo Tallón.
Goles: 0-1, minuto 5, David Pazos; 1-1, minuto 7, p.p. David; 1-2, minuto 14, David Pazos; 2-2, minuto 33, Isi
Árbitros: Gracia Marín // Múnez Carpintero (Madrid)
Tarxetas: Por Burela FS, amarela a Mimi (minuto 31). Por Santiago Futsal, amarela Hugo (minuto 9), Quintela (minuto 40).
Incidencias: Partido correspondente á 29ª xornada de Primeira División LNFS disputado en Vista Alegre, con 1400 afeccionados/as.
*Foto: A Caixa Escura Produccións.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
