Camiñantes de Xove viaxan á Costa da Morte

Este domingo día 4 de maio 52 camiñantes do Grupo de Sendeirismo da ACD.XOVE, desprazaranse a Camariñas, para facer unha espectacular Ruta de Sendeirismo correspondente á 5ª etapa dende “Arou a Camariñas” da Ruta denominada “O Camiño dos Faros” que percorre toda a Costa da Morte por un total de 200 quilómetros. A ruta que van a facer os camiñantes de Xove é a etapa “reiña” deste Camiño dos Faros, a máis espectacular de todas, pasando por Monte Branco, Praia do Trece, Cementerio dos Ingleses, Faro do Cabo Vilán, Ermida da Virxe do Monte e acabando no Castelo do Soberano en Camariñas. En total cerca de 20 quilómetros de espectacular e fermosa ruta.