Barreiros, 12 de maio de 2014. O BNG pedirá información no Parlamento e no Concello de Barreiros sobre o estado do convenio asinado polo Concello coa Xunta e a Deputación (co voto en contra do BNG) para dotar de servizos aos edificios que foron construídos sen eles. Para o BNG “se a Xunta dá marcha atrás neste convenio, estase a demostrar que o que pretendían facer era tapar as ilegalidades que se cometeron na concesión de licenzas a edificios que non contaban con servizos suficientes para poder construirse”, sinalan desde o BNG.
“Con este paso, parece que o PP dá marcha atrás no seu plan de facerlle pagar a todas as galegas e os galegos a desfeita urbanística que permitiron en Barreiros, sen contar con normas que ampararan as construcións e pretendendo pola porta de atrás legalizar o que o Tribunal Superior de Xustiza decretou que era ilegal”, manifestou a portavoz municipal Ana Ermida.
A formación nacionalista preguntará no Parlamento e no Concello que é o que vai pasar agora con esas urbanizacións que foron construídas sen servizos e que, a día de hoxe seguen sen telos, e como vai o Partido Popular darlle solución a unha situación que eles mesmos crearon por non axustarse á normativa urbanística e intentar pasar por riba de calquera norma. Para o BNG o Partido Popular probou en Barreiros un modelo urbanístico que se lles escapa das mans e non son quen de controlar as súas consecuencias, pretendendo agora minimizar os danos.
O BNG, por medio da portavoz de urbanismo no Parlamento galego, preguntará tamén ao Presidente da Xunta sobre esta cuestión. “Agardamos unha resposta veraz do Presidente da Xunta e do Partido Popular, Alberto Núñez Feijoo, para que explique en que situación queda agora Barreiros. Cunha normativa obsoleta, cunha paisaxe inzada de esqueletos de edificios, cun Alcalde incapaz de afrontar as consecuencias do modelo urbanístico do PP e cun Partido Popular disposto a calquera cousa para tapar a súa nefasta xestión nesta materia”, afirmou a parlamentaria nacionalista, Ana Pontón.
Desde o BNG sinalan que “o que ten que poñerse a facer o Alcalde e o Partido Popular é traballar por solucionar o problema urbanístico que eles crearon, traballar para as veciñas e veciños de Barreiros e non facerlles pagar as súas falcatruadas e, desde logo, garantir que todas e todos os barreirenses teñan garantidos os servizos básicos”, conclúen.
A descuberta da praca culminou unha nutrida axenda de actos de recoñecemento e divulgación do legado de Andrea López Chao que se desenvolveu nos últimos catro anos, da man dun grupo de traballo coordinado por Luis Ansedes. Tras a inauguración, na que particiou a bisneta da homenaxeada, Patricis Ares, estreouse no Auditorio Municipal o documental "Andrea López Chao. O poder de educar" da realizadora hispano cubana Violeta Ramos Valdés. Iria Castro parabenizou "as persoas que participaron no recoñecemento e divulgación da figura de Andrea López Chao, ampliando o coñecemento do seu legado e documentándoo e proxectándoo para as xeracións futuras"
As delegacións municipais participan neste acto solemne que mantén viva a devoción pola patroa da cidade de Mondoñedo e reforza a unión entre os concellos da contorna. Mariña Gueimunde subliñou que «para Viveiro é unha honra participar nesta celebración tan arraigada que une ás nosas vilas a través da tradición e da cultura». Engadiu que «é fundamental preservar estas manifestacións colectivas que forman parte da nosa identidade e que fortalecen os lazos de fraternidade entre os pobos veciños».
O encargado de dar a saída foi o alcalde, Dani Vega, que estivo acompañado pola concelleira de Igualdade, Begoña Sanjurjo, e pola presidenta de Acisa, Carmen Cruzado. Por diante 21 quilómetros de percorrido por paraxes espectaculares ata chegar á meta na praia das Catedrais. A proba desenvólvese nunha tarde soleada e moi calorosa.
O evento está organizado pola asociación de veciños da parroquia, co apoio do Goberno galego. Arias puxo en valor o traballo do colectivo organizador para "facer medrar este evento ano tras ano, consolidándoo en soamente tres anos como unha das citas destacadas no calendario festivo da comarca".
Na xuntanza, que tivo lugar no Departamento Territorial da Xunta en Lugo, avaliouse a posibilidade de establecer vías de colaboración para mellorar as infraestruturas rurais da localidade. A maiores, estudouse a situación dos instrumentos de mobilización da terra agraria que se desenvolveron na localidade e afondouse na mellora da súa xestión forestal.
O evento comezou cunha misa na igrexa parroquial e unha actuación musical a cargo do grupo de gaitas Axóuxere de Roupar. A continuación, tivo lugar o tradicional xantar no pavillón municipal e o recoñecemento ao home e á muller de maior idade. Carmela López subliñou que “máis dun terzo do noso orzamento vai para políticas sociais: para que o Servizo de Axuda do Fogar chegue a quen o precise; para que a Teleasistencia funcione 24 horas ao día, porque a tranquilidade das familias tamén é importante; e para ofrecer residencias públicas no rural, garantindo que ninguén teña que marchar da súa terra para recibir os coidados que merece”.
A clínica focense comprométese coa entidade laranxa e segue garantizándonos o bo estado de saúde dos nosos dous planteis.
