O Presidente da Deputación, José Ramón Gómez Besteiro, acompañado pola Vicepresidenta Segunda, Lara Méndez, anunciou este venres a aprobación de 72 accións formativas do Pacto Provincial polo Emprego II, por valor de 1,5 millóns de euros, cofinanciados nun 80% por fondos europeos. Este programa facilitará a inserción nas profesións máis demandadas no mercado de traballo a 1.005 parados lucenses, e a súa participación estará remunerada por parte da Deputación.
Gómez Besteiro destacou que “a creación de emprego na provincia é a nosa obsesión. Lugo ten a día de hoxe 26.294 parados que merecen unha resposta eficaz por parte da administración que ten a competencia directa, a Xunta de Galicia. A única resposta recibida dende o 2009 foi o recorte de case 240 millóns de euros en políticas activas de emprego, polo que esta Deputación está a intensificar a súa loita contra o paro”.
Esta nova edición do Pacto provincial polo Emprego, ó igual que as anteriores, está destinada ós desempregados de todos os Concellos da provincia agás o de Lugo, que xa conta co seu propio Pacto. O único requisito será, que tan só deberán cumprir o requisito de estar inscritos no INEM. Os 1.005 beneficiarios desta acción recibirán formación teórica nas profesións con máis futuro para, posteriormente, realizar prácticas en asociacións e empresas lucenses recibindo, durante todo o proceso, unha remuneración económica.
A formación do Pacto Provincial polo Emprego está dirixida a todos os desempregados da provincia e, en especial, ós pertencentes a determinados colectivos que sofren máis dificultades á hora de acceder ó mercado de traballo, como é o caso dos maiores de 45 anos; parados de longa duración; persoas con minusvalías físicas ou psíquicas, ou vítimas de maltratos.
Lara Méndez destacou que esta iniciativa é posible grazas á boa xestión dos fondos europeos realizada pola Deputación, que permitiu incrementar o presuposto para este proxecto dos 3,5 millóns dispoñibles inicialmente ós 4,1 millóns finais, tras conseguir que a Unión Europea premiara á institución provincial coa concesión de 600.000 euros procedentes de remanentes o pasado mes de setembro. Este orzamento fai do Pacto Provincial polo Emprego II o proxecto que acadou máis financiamento en Galicia na última convocatoria do Fondo Social Europeo.
Protección dos dereitos laborais
O máximo responsable provincial quixo destacar outro dos aspectos novidosos do Pacto provincial polo Emprego II: a defensa dos dereitos dos traballadores que impartirán a formación, de xeito que os beneficiarios non só aproveitarán unha formación de calidade, senón que os docentes tamén verán protexidas as súas condicións laborais. Así, estas cláusulas sociais garantirán, entre outras, a obriga de que os formadores reciban unha retribución mínima de 30 euros/hora, valorando positivamente ás empresas que aseguren retribucións superiores e excluíndo directamente ás que non respecten este mínimo.
Gómez Besteiro salientou que “utilizando un eufemismo, Feijóo acepta o que negou no Parlamento”, logo de que a Xunta rexeitase no Parlamento, o pasado mes de abril, a proposta da Deputación de incluír cláusulas sociais nos contratos e Núñez Feijóo anunciara onte que finalmente as incorporará. O Presidente salientou que “este camiño, ó que a Xunta de Galicia se resistía e, quero entender, vai iniciar, aínda que chamándoo doutra maneira, é a realidade que a Deputación impuxo. Non importa quen sexa o pai da iniciativa, senón controlar, verificar e promocionar o respecto dos dereitos dos traballadores, sen eufemismos de ningún tipo”, sentenciou o Presidente.
Formación remunerada
Gómez Besteiro destacou que os participantes recibirán “formación teórica e práctica en recoñecidas empresas e asociacións da provincia, recibindo durante todo o proceso unha axuda económica equivalente ó 75% do IPREM, é dicir, uns 400 euros mensuais”. O Presidente avanzou ademais que, unha vez iniciado o proceso de contratación, o INEM fará unha primeira selección dos currículos que máis se adapten e a Deputación realizará entrevistas curriculares ós seleccionados, de xeito que os 1.000 lugueses que superen o proceso, “comezarán a formación a mediados do mes de setembro”.
Os interesados en participar terán á súa disposición 72 accións formativas centradas en potenciar a prestación de servizos de carácter social, os chamados empregos brancos, vinculados coa atención sociosanitaria e a dependentes, un sector que, segundo un informe do Ministerio de Traballo, xerará 200.000 empregos hasta 2015 en España. “Deste xeito, ofrecemos unha formación especializada que facilita a futura inserción laboral dos participantes ó tempo que potencia os servizos sociais fronte ó desmantelamento que estes están a sufrir”, subliñou o Presidente.
72 accións formativas
Méndez detallou cal será ó contido dos cursos, dos que se celebrarán varias edicións. Entre estes, 38 sobre atención sociosanitaria a persoas dependentes en domicilio ou institucións sociais; 3 sobre transporte sanitario; 6 sobre limpeza e hixiene de superficies e mobiliario; 11 sobre operacións básicas de cociña e 9 sobre asesoramento na función xerencial e no autoemprego para a creación de empresas.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
