O PP de Viveiro denuncia o abondono do acceso ás vivendas da zona rural do municipio

O PP de Viveiro quere denunciar unha vez máis a desidia e o abandono do goberno local socialista como consecuencia do calamitoso estado de conservación e mantemento de varias pistas de acceso ás vivendas, non só polas fochancas existentes (motivo polo cal rexistrouse no Concello un ROGO dirixido á Alcaldesa con data 30 de Abril), senón tamén pola abundante maleza.

O PP de Viveiro ante as queixas de numerosos veciños, “comprobamos persoalmente a situación de varias destas pistas, podendo confirmar que o deixamento por parte do responsable da Delegación de Medio Ambiente é máis que evidente, como o demostra a situación das pistas, rúas e barrios do Pedregal, Pallaregas, Sacido, A Cruz, Nogarido, Pena, Lapido na parroquia de Covas; Camiño de Meira en Celeiro, o barrio de Escourido, así como en Area-Faro, en O Areal en Vieiro, en Valado e Altamira en Galdo e a estrada de Naseiro en San Pedro. Todas elas presentan abundante maleza, o que provoca nalgúns tramos que os coches rocen coa mesma ao circular, o que dá mostra unha vez máis da inoperancia e o abandono nestes temas por parte do goberno local”.

O PP de Viveiro quere recordar ao Goberno municipal socialista, que “no Pleno ordinario do 6 de Febreiro, o grupo municipal do PP presentou un ROGO á Alcaldesa sobre a abundante maleza que presentaban estas pistas, á vez que lle recordabamos que o seu mantemento, limpeza e conservación é competencia do Concello, sendo a súa resposta que o delegado municipal de Medio Ambiente visitaría as citadas zonas e daría solución aos problemas existentes. A día de hoxe a realidade é moi distinta, xa que malia que algunhas se limparon, non foron as que solicitamos en devandito pleno e que reflectimos nesta nota de prensa, onde o goberno local xustifica o atraso coa avaría (supoñemos que uns días) da máquina rozadora do Concello”.

A Sra. Alcaldesa, debería de preocuparse máis en optimizar os servizos municipais e non en estar lamentándose e botándolle a culpa a outras administracións do auténtico barullo ao que teñen sometido ao Consistorio Municipal, gravando excesivamente ao cidadán, sen proporcionarlle nada a cambio.
O Partido Popular de Viveiro lamenta a falta de organización e previsión das accións necesarias por parte do goberno local socialista, para que os nosos veciños teñan os seus accesos en boas condicións de limpeza e non con abundante maleza e cheos de fochancas, o que non só dificulta o acceso ás súas vivendas, senón que ao mesmo tempo dana a imaxe do noso municipio ao proxectar unha imaxe de abandono e deixamento lamentables.