A incorporación de mulleres rurais ó autoemprego e o fomento das novas tecnoloxías son dúas das liñas de traballo que Deputación de Lugo e Federación de Asociacións de Mulleres Rurais de Galicia (FADEMUR) potenciarán a través do convenio de colaboración por valor de 65.000 euros que asinarán a Deputación de Lugo e o colectivo. Así o deu a coñecer o Presidente, José Ramón Gómez Besteiro, que, xunto á Vicepresidenta Segunda, Lára Méndez, recibiu este luns en San Marcos a Rosa Arcos Caamaño e Verónica Marcos, representantes de FADEMUR. A axuda do organismo provincial resulta fundamental para o mantemento das actividades deste colectivo, que agrupa a 15.000 socias na comunidade galega, tal e como ratificou a súa presidenta, Rosa Arcos: “Con esta partida podemos proxectar mellor a nosa mensaxe, dándolle visibilidade á muller do rural, ó tempo que poñemos en valor a importancia da economía do rural, que está tan desprazada, e nin aparece reflexada nas estatísticas” .
Máis de 131.000 mulleres non teñen traballo hoxe en Galicia, 20.600 máis que hai cinco anos. Esta circunstancia, unida ó gran potencial do medio rural para xerar riqueza e emprego, fan que proxectos como os de FADEMUR ofrezan alternativas viables de futuro para este colectivo, tan castigado durante estes últimos anos de crise.
Gómez Besteiro destacou neste senso que “a muller do rural xoga un papel fundamental na vida e economía familiar, aínda que en moitas ocasións este traballo non se valore. A promoción dos produtos artesanais da provincia e o espírito emprendedor das mulleres son so algunha das claves para xerar riqueza e buscar alternativas de futuro”.
O Presidente aproveitou tamén a ocasión para agradecerlle ás representantes de FADEMUR o seu compromiso coa promoción da Ribeira Sacra para a candidatura de Patrimonio da Humanidade a través do programa Son de Campo, e salientou que “contar co voso apoio demostra o interese que existe entre os galegos e galegas por que se recoñeza a nivel internacional, tanto a riqueza natural, como a biodiversidade que hai en enclaves como o da Ribeira Sacra”.
Pola visibilidade das mulleres rurais
“As mulleres do rural son un dos piares da economía, non soamente da provincia, senón tamén de toda a comunidade. O principal problema é a escasa, por non dicir nula, visibilidade deste colectivo tanto nas estatísticas, como na sociedade”, incidiu a presidenta da FADEMUR. Deste xeito, coa achega do organismo provincial, o colectivo levará a cabo un proxecto de posicionamento e visibilidade, “xa que a muller é un elemento imprescindible para garantir a vida no rural”. Os traballos de FADEMUR axudan a frear o despoboamento dos núcleos máis rurais e, en moitas ocasións, son a única entidade que traballa nesta liña. A federación de mulleres rurais tamén apostou por facerse cargo, en moitas vilas, dos servizos socias, dependentes antes das institucións pero que dada a crise económica, deixaron de lado.
Páxina web
Grazas á achega da Deputación, FADEMUR creará tamén unha páxina web, da que ata o de agora non dispón, e levará a cabo unha campaña a través das redes sociais para incorporar a todas as mulleres emprendedoras e darlle visibilidade ás actividades e produtos que elabora, todos artesanais.
Apoio e asesoramento á emprendedoras
Outra das liñas de traballo de FADEMUR, que coincide coa do organismo provincial, é a de apoiar ós pequenos proxectos de autoemprego e emprendemento; sobre todo de produtos artesanais e de agricultura ecolóxica. FADEMUR busca publicitar e incentivar esta actividade económica e asesora ás mulleres que decidan autoempregarse e poñer en marcha un proxecto. Durante un ano, a asociación ofrécelle apoio a todas elas en aspectos como trámites burocráticos, a viabilidade do proxecto ou as claves para promocionar os produtos.
Ademais de asesoramento e apoio para o autoemprego, coa axuda da Deputación terán lugar encontros e intercambios de experiencias entre as emprendedoras para poñer en común retos, dificultades e mecanismos na resolución de problemas á hora de implantar os seus proxectos.
Tamén se organizarán xornadas de sensibilización sobre o papel da muller do rural. Consistirá nunha serie de actos participativos onde, a través das protagonistas, darase a coñecer o alcance do traballo das mulleres no seu entorno. A través desta campaña fomentarase tamén a candidatura da Ribeira Sacra como Patrimonio da Humanidade, colaborando activamente na recollida de sinaturas e difundindo a candidatura entre as mulleres do rural.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
