‘Mércores de natureza’ en kayaks polo Sor

O vindeiro mércores 16 de xullo comezan os ‘Mércores de natureza’ destinados a mostrar o noso entorno natural e o da Mariña. A primeira actividade será a baixada do Sor en kayaks insumerxibles onde se mostrarán zonas como Ribeiras do Sor, Creximil ou a Illa fluvial de S. Martín ó pasar por debaixo das pontes sobre o Sor. Teñen previsto facer un pequeno baño de descanso na praia do Chamadoiro, cruzar a ría e recalar no porto do Vicedo. Os participantes encontraranse no porto do Vicedo ás 10.00 horas para achegarse a Ribeiras do Sor -punto de inicio do percorrido de 2 horas de duración aproximadas- en furgonetas da empresa Actividades Estaca. O prezo da actividade é de 15 euros. Os interesados poden inscribirse no teléfono 982 590 195.