Foz a 14 de xullo de 2014.- Este sábado, 19 de xullo, o Bloque Nacionalista Galego vai celebrar en Foz a XXI edición da súa tradicional chicharrada, dentro do conxunto de actos que os nacionalistas realizan na comarca da Mariña durante este mes para celebrar o Día da Patria Galega, que é o 25 de xullo e que este ano se centra en esixir máis soberanía para Galiza.
Ao igual que noutras ocasións a romaría celebrarase na explanada do Porto, xunto á lonxa, e dará comezo a partir das sete da tarde, contando neste acto coa participación do grupo de baile tradicional de “O Feitizo” e de grupos de gaiteiros que animaran desde primeiras horas a festa.
Como xa ven sendo habitual desde hai anos, o prato forte desta xornada festiva – reivindicativa o BNG de Foz vai preparar máis de 1.000 racións de chicharro lañado con cachelos, xunto a liscos e chourizos. A aposta polo chicharro lañado faise por ser un prato característico da nosa dieta alimentaría, e polo seu sabor, así como polas significacións que o chicharro tivo para o conxunto dos focegos e da xente da comarca como principal sostén nos anos da posguerra.
O feito de que esta xornada coincida cun momento de fonda crise económica que está a provocar graves consecuencias no sector primario, nomeadamente no agro e na pesca, dálle unha especial significación por tratarse tamén dunha xornada reivindicativa en apoio destes dous sectores produtivos centrais da nosa economía que so poden saír para diante se Galiza é máis soberana e pode decidir por si mesma e non que lle veña imposto polo Estado ou Europa, como sucedeu este ano cos cotas da xarda e do xurelo que puxeron en pé de guerra a toda a frota do cerco e da que Galiza saíu claramente discriminada deste reparto, no que se primaron criterios que favoreceron e beneficiaron a outros territorios.
Este ano tamén se dotará ao espazo festivo duns xogos infantís, comezando por un gran castelo inchable e por numerosas actividades de animación infantil como globoflexia, pinturas, contacontos, etc. Tamén haberá agasallos para todos os participantes.
O feito de que esta xornada se manteña ao longo destes vinte e un anos evidencia que se trata dunha festa de todos os veciños e veciñas de Foz e así se explica a implicación de todo o pobo, xa non só na xornada festiva senón na preparación da festa gastronómica. Tanto é así que o BNG quere agradecer por adiantado a todas aquelas persoas que colaboran con nós lañando o peixe así como aqueloutros que colaboran asando o chicharro.
Xa por último, o BNG quere convidar a todos os veciños de Foz e da Mariña a acudir a explanada do Porto o vindeiro Sábado, 19 de xullo a partir das 19:00 horas a degustar chicharro lañado e a celebrar con nós esta tradicional romaría do verán focego, preludio do Dia da Patria Galega que se celebra o día 25 de xullo.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
