A Xunta de Goberno celebrada este venres aprobou a adxudicación do servizo para a prestación da iniciativa de deporte e actividade física saudable nos concellos da provincia de Lugo, un programa da área de Benestar Social e Deporte da Deputación de Lugo, que se desenvolverá baixo o nome “Mo-vémonos”, e que suporá un investimento de 185.760 euros.
O programa dispón de dúas liñas diferenciadas de actuación, unha dirixida a asociacións de capacidades diferentes e a colectivos que traballen con persoas en risco de exclusión social, na que poderán participar entidades de tódolos concellos da provincia, e que ten como fin a integración social das persoas a través de actividades en grupo que garantan a mellora das capacidades de relación; e outra dirixida a asociacións do medio rural, para entidades sen ánimo de lucro de concellos de menos de 5000 habitantes. A actividade consiste en levar de xeito totalmente gratuíto un monitor o local social da asociación. Búscase chegar a localidades que pola pouca poboación, ou avellentamento ou a súa dispersión non dispoñen de medios para realizar actividades sociais.
A actividade é 100% gratuíta e está sufragada na súa totalidade pola Vicepresidencia Primeira, en ámbalas dúas liñas, para as cales se envía un monitor dous días a semana ao domicilio social da entidade ou lugar de celebración que ela elixa, recortando os custos de desprazamento dos usuarios; e coa que se pretende ofrecer unha actividade física non competitiva coa que se busca a integración social e conseguir unha mellora da saúde. O prazo para inscribirse remata o vindeiro 31 de xullo, e as inscricións poden formalizarse no enderezo electrónico deporte@deputacionlugo.org
Noutra orde de asuntos, Antonio Veiga, aproveitou a rolda de prensa para amosar a total solidariedade da Vicepresidencia da Deputación de Lugo co pobo palestino, “que está a sufrir unha auténtica tortura por parte dun Estado que se dedica a matar civís inocentes e destruír o pobo, e denunciar tamén a actitude que está a adoptar a Unión Europea e a Comunidade Internacional permanecendo impasibles ante o xenocidio que está a cometer o Estado de Israel”.
Filgueira Valverde
Asemade, o vicepresidente da Deputación fixo unha valoración do nomeamento de Filgueira Valverde por parte da Academia Galega para ser o próximo homenaxeado do Día das Letras Galegas. En palabras de Veiga, “calquera das outras candidaturas como Xela Arias Castaño, Ricardo Carvalho Calero, Celestino Fernández de la Vega ou Manuel María serían máis merecedoras desta distinción, posto que non é de recibo que unha figura como Filgueira Valverde, vinculada á ditadura Franquista, época de represión da nosa cultura e da nosa lingua, reciba tal homenaxe”.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
O sábado a partir das 21h espectáculo de narración oral a cargo de Lîlâ Teatro coa obra "Estremonías da Silva" e á súa finalización, música tradicional con Os Carricantos. O domingo, toca sesión vermut da man de José Brea & Miguelón a partir das 13h, para disfrutar dun aperitivo antes do xantar. Como sempre, acompañado das tapas de Galiana e do mellor ambiente.
