“Lamela dórmese nos Plenos, non se entera e logo critica obras que favorecen á familia dos seus concelleiros”

Díse que unha imaxe vale máis que mil palabras (admírese a mostra gráfica). Pois se quedaba algunha dúbida, queda demostrado que ó Presidente e Portavoz do PP en O Valadouro, Sr. Lamela, as notas de prensa, comunicados e os panfletos que reparte polo Concello, escríbenllos e mándanllos dende Lugo.

Nese afán obsesivo de criticar por criticar, instalados no “todo vale”, esquécense do primordial á hora de facer unha crítica: contrastar a súa veracidade. Nese sentido, continúa Edmundo Maseda, alcalde do Concello do Valadouro, “Contrastemos pues”:

1.- A obra criticada foi solicitada en primeira fase o 27 de abril de 2012.

2.- Esta segunda fase solicitouse o 15 de maio de 2013, en ámbolos dous casos antes de ser eu Alcalde.

3.- A comunidade veciñal fórmana: a miña señora (por qué non…. Non temos nada que ocultar. Ela é autonoma, paga os seus impostos relixosamente cada 3 meses a Facenda, e cada 6 meses ó Consello Regulador (que realiza a lo menos 1 inspección cada ano), é dicir, aquí non hai contabilidade B coma outros. Polo tanto, ten dereito coma calquer cidadán a solicitar axudas a calquer organismo público, máis aínda coma é o caso, antes de ser eu Alcalde.

Os outros dous membros da comunidade veciñal son: o irmán e a cuñada dunha concelleira do PP, e ademais posibles consogros doutra concelleira do PP, é dicir, familiares de dúas concelleiras do PP, que teñen fincas e instalacións gandeiras, en dita pista, antes das mencionadas da miña señora.

4.- A conta bancaria mencionada foi aberta expresamente para ese fin, polos tres membros da comunidade, e é unha conta conxunta. O pago da obra fíxose coa firma dos tres, así coma a posterior clausura da mesma.

Precisamente, esa familia, moi querida por nós, (somos veciños porta con porta, criámonos xuntos e axudámonos en todo o que fai falla, antes, agora e sempre a pesar de que cada un defende as súas lexítimas ideas políticas -pero para min as persoas están por encima de todo-) foron as perxudicadas pola discriminación política a que nos someteron os dous anteriores Alcaldes. A min e á miña familia, que non arreglaron a única pista que quedaba por facer na parroquia de Moucide, pola que circulan todolos días, turismos e furgonetas. Nin sequera a rozaban; a desbrozadora do Concello chegaba ó cruce e daba volta. Asó o longo dos últimos 15 anos. Como poden dicir estes “deshacedores de entuertos” (calificativo de D. Miguel de Cervantes a os seus personaxes D. Quijote e Sancho Panza (falta Dulcinea del Toboso, que é a que saca tallada a conta dos outros dous pazgüatos) que a susodita obra beneficia ós intereses do Alcalde e súa familia?

Estes son os que se postulan para gobernar Valadouro, a Deputación, e non sei que máis? “DIOS NOS COLLA CONFESADOS, diría miña avoa”.

Pola miña parte, se estas mentiras, artimañas e retorcidas e barriobaixeiras maneiras, son o que hai que facer para gañar unhas eleccións, eu non quero gañalas, ASI NON. !ue gañe o PP a ver se nos vamos “al carajo” dunha vez (que pouco faltará xa) e o pobo abre os ollos. Se cadra e a única maneira de poder empezar de novo e construír unha sociedade onde non teñan cabida estes “elementos”.

Mentres que siga sendo Alcalde, seguirdi traballando polos veciños, sexa cal sexa a súa ideoloxía política. Así o prometín e así o farei.

DIGO EU
Edmundo Maseda Maseda.- Labrego e Alcalde de O Valadouro.