Foz, 6 de agosto de 2014. O XXVI trofeo de fútbol Vila de Foz, que foi presentado este mércores, enfrontará ao CD Lugo e ao Viveiro CF este sábado, 9 de agosto, no estadio Martínez Otero ás sete e media da tarde. Está organizado polo Concello e o CD Foz e patrocinado por Casa Rural y Restaurante El Rincón de Anita.
O concelleiro de Deportes focense, Ánxel Paleo Soto, explicou que o Vila de Foz “é un trofeo xa consolidado e un dos máis importantes da época estival aquí, na Mariña. Antes chamábase Conde de Fontao e o trofeo que se entregaba era unha carabela de prata, pero o ano pasado cambiamos e agora xa ten uns trofeos para o campión e para o subcampión exclusivos para este torneo e quedarán para sempre. Está organizado polo Club Deportivo Foz e o Concello e patrocinado pola Casa Rural El Rincón de Anita, a quen quero agradecerlle a súa colaboración para facer que o Vila de Foz siga sendo un dos referentes na Mariña no que se refire a trofeos de fútbol de verán”.
Ánxel Paleo tamén comentou que “os prezos das entradas son accesibles a todo o mundo parea que toda a familia poida ir ao partido se quere: a entrada de adultos custa 10 euros, os rapaces e rapazas de 14 a 18 anos pagarán 5 euros e os menores de 14 anos terán entrada gratuíta. Só me queda invitar a todos os veciños e visitantes a que se acerquen a ver o partido de fútbol, porque poden aproveitar a primeira hora da tarde para ir á praia e despois, como non, gozar das festas de San Lourenzo”.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
