A Vicepresidenta Segunda, Lara Méndez, e o Presidente da Asociación de Profesores de Automoción de Galicia –APAGA-, Álvaro Doural, presentaron este venres na vila de Ribadeo o III Fórum de Innovación e Formación sobre Vehículos e a II Mostra e Feira de Vehículos Clásicos, que terá lugar entre os días 27 e 31 de agosto nas inmediacións do Hotel O Cabazo.
No acto de presentación, Méndez destacou que “esta iniciativa enmárcase dentro da aposta de Deputación por fomentar as profesións con máis saídas laborais e favorecer a inserción profesional na provincia. Este foro é unha oportunidade económica única para a Mariña e a provincia”. Nesta liña, a Vicepresidenta engadiu que “os cinco días que dura este evento contribúa a dinamizar a economía local, xa que logra reunir moitos interesados no munto do motor procedentes de Galicia e Asturias, que durmen, comen e mercan nos negocios da toda esta zona, e mesmo axudan a crear novos nichos de emprego na provincia, coma o tecnolóxico, piar básico actual na estructura económica e social da provincia”.
O eixo principal do III Fórum de Innovación e Formación sobre Vehículos, organizado en Ribadeo pola Asociación de Profesores de Automoción de Galicia –APAGA- coa colaboración da Deputación é coñecer as últimas tecnoloxías que se están a aplicar ós vehículos. O foro reunirá a profesores da familia de Transportes e Mantemento de Vehículos; profesionais do sector do automóbil; alumnos universitarios ou de formación profesional con estudos relacionados co automobilismo e aficionados en xeral, que se darán cita entre o mércores 27 ata o domingo 31 de agosto nas instalacións do Hotel O Cabazo de Ribadeo.
Programa e inscricións
Entre as actividades previstas están charlas de expertos e obradoiros sobre temas como aerografía; sistemas de comunicación no automóbil; manexo do programa informático de edición de vídeo Premier; soldadura; climatización; vehículos de competición; técnicas de primeiros auxilios en talleres de automoción; transformación a gas de motores de gasolina ou adhesivos industriais. O encontro, que ten un marcado carácter didáctico, ten como obxectivo establecer un punto de encontro entre profesorado para intercambiar experiencias, incorporar ós traballadores en activo á actividade formativa e dárlle unha oportunidade ás empresas locais do sector para presentar os seus produtos. A oferta complétase cunha mostra de vehículos clásicos e actuais da marca Ford.
O prazo de inscrición para este foro didáctico, cun custo de 30 euros, está aberto ata o vindeiro 15 de agosto na páxina web de APAGA.
O colectivo APAGA
A Asociación de Profesores de Automoción de Galicia, un colectivo creado sen ánimo de lucro hai máis de 15 anos, pretende agrupar a todo o profesorado da familia profesional de Transportes e Mantemento de Vehículos dos diferentes centros educativos de Galicia e doutras Comunidades Autónomas. A súa finalidade esencial é organizar toda clase de actividades de formacicón e información dos seus afiliados e doutros colectivos, motivo polo cal os asociados organizan este encontro, que consolida a Ribadeo como referente na formación de profesionais no sector da automoción.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
O posto amosa as novidades editoriais como "Mudar en común: Galiza 1959-1982", un estudo sobre a transformación estrutural da sociedade rural galega da historiadora Alba Díaz Geada que se presentou pola mañá, ou "A escola de náutica e comercio de Ribadeo, de Antonio Prado Gómez, que se presentou pola tarde na Biblioteca Municipal, antiga sede da escola. Estes e outros títulos da editora institucional están a venda nas librarías da feira.
A iniciativa foi promovida polo propio colectivo. O director territorial da Consellería de Cultura, Lingua e Xuventude, Manuel Antonio Fernández, sumouse ao acto, no que lle trasladou o recoñecemento da Xunta ao artista sarriao, multiinstrumentista e luthier que destaca entre as principais figuras do panorama musical galego.
O Instituto de Estudos Chairegos, coa colaboración do Concello de Vilalba, dentro dos actos programados para este mes de maio, co gallo das Letras Galegas, organiza o venres 30 de maio de 2025, na Casa da Cultura, ás 20:00 horas, a presentación do libro “Comida para gatos e outras delicatessen indixestas”, do que é autora Luz Darriba, artista plástica e escritora. Presentará o acto Marisa Barreiro, presidenta do Iescha.
Será o sábado, 31 de maio ás 20 h. Participarán a Escola de Música O Pallarego de Mondoñedo e a Orquestra Clasica de Xove interpretando obras de Vivaldi.
Este trámite vai dirixido ás familias que presentaron a solicitude de praza durante o período de preinscrición, e deberá completarse de forma presencial nas instalacións da escola municipal. O prazo estará aberto ata o luns 2 de xuño. Lémbrase que a formalización da matrícula é imprescindible para confirmar a admisión do neno ou nena. Ademais, as familias que non solicitaran praza no seu momento poden achegarse ao Departamento de Servizos Sociais do Concello, onde poderán recoller o impreso correspondente.
O acto celebrarase o 30 de maio ás 21,30 horas na Leira San Antonio de Mondoñedo co seguinte programa: A Directiva da Peña recibirá ao Representante do Real Madrid, Tomás Roncero (redactor xefe no Diario AS), socios e seguidores cantarán o himno do club. A cea será ás 22 horas. A animación musical será a cargo do Dúo Zafiro”. Neste acto poden participar os soci@s da Peña e seareirxs brancxs e terán que ingresar 35€ en ABANCA de Mondoñedo ata o 26 de maio.
