Ruta botánica pola praia do Portelo con Gaia

As monitoras de Gaia organizaron este martes unha ruta botánica pola praia do Portelo “co fin de suscitar o máximo interese posible entre os máis pequenos polo coñecemento e respecto á flora e ao entorno natural”. As monitoras explican que “esta actividade permitiu coñecer a vexetación existente no litoral do Portelo, unha praia que conta con bandeira azul. Aos nen@s falámoslles da importancia ecolóxica da flora que existe nas praias, subliñando que moitas delas son prantas das que se alimentan insectos e outros animais, e que non se deben arrincar nin pisar”. Os participantes nesta actividade realizaron un pequeno acuario botánico empregando area, pedras, algas, auga do mar e debuxando especies de flora e de fauna.