Ribadeo, 18 de setembro de 2014. A asociación Amadores da Música convoca a todos os ex compoñentes da banda municipal de Ribadeo para integrarse de novo na formación co obxectivo de ofrecer un concerto especial en beneficio da loita contra o cancro infantil, que se celebrará na vila ribadense o 3 de xaneiro de 2015.
Anunciouno hoxe o presidente de Amadores da Música, José Luis Pulpeiro, quen explicou que “queremos facer unha invitación aos ex músicos da banda para unha actuación moi especial. O día 3 de xaneiro vai haber un concerto en beneficio da asociación de loita contra o cancro de Ribadeo, en concreto enfocado ao cancro infantil. Entón parécenos que é un concerto no que todos debemos participar, como público e como músicos”.
A directiva de Amadores da Música dá a coñecer con tanta antelación esta actuación porque “os ex músicos que se queiran reincorporar á banda teñen que participar nos ensaios para ese concerto, que empezarán o día 10 de outubro para preparar as obras que ofreceremos nesa actuación. Por suposto todo o recadado nese concerto vai ser para a loita contra o cancro infantil”.
Pulpeiro espera que “moitos ex músicos se apunten, porque é un motivo bastante especial e pedímoslles que, por favor, vaian avisándose uns a outros porque para nós é moi complicado contactar con todos os que pasaron pola banda xa que non temos unha base de datos con esa información. Por iso parécenos que a mellor maneira é comunicalo a través dos medios e tamén que entre os músicos actuais e os ex compoñentes da banda nos animemos uns a outros para que ese día, nese concerto tan especial, a xente acuda a tocar e, por suposto, a oír esa actuación. Por suposto vamos contar coa colaboración da asociación contra o cancro de Ribadeo, que tamén vai estar na organización e esperamos un bo resultado”.
O presidente da asociación Amadores da Música explicou tamén que “as obras que se van interpretar non serán moi complicadas. Todos aqueles ex músicos que queiran volver engancharse coa música, que teñen abandonada por motivos diferentes, que se animen; o único que teñen que facer é comunicarllo ao director da banda e empezar os ensaios o 10 de outubro. A partir dese día faremos máis ensaios, loxicamente. A ver se entre todos somos capaces de animarnos uns a outros a participar nese concerto tan especial no que pretendemos que a banda estea formada por cantos máis músicos mellor”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
