A Deputación acada un novo aforro de 80.000 euros de gastos correntes ó ano coa contratación conxunta de gasóleo e gasolina para as máquinas do Parque Móbil que melloran estradas provinciais e municipais.
A Xunta de Goberno aprobou este venres iniciar o proceso de contratación, nun mesmo prego, de 250.000 litros de gasóleo e 32.000 litros de gasolina para este ano e o vindeiro. O voceiro provincial socialista, Manuel Martínez, salientou que “con isto conseguimos unha redución media de 3 céntimo por litro de gasóleo e de 1,8 céntimos por litro de gasolina, o que supón un aforro de 80.000 euros, tendo en conta os prezos actuais do combustible”.
Novas bolsas de emprego
A sesión aprobou a terceira edición do programa Lugojob, que inclúe 50 novas bolsas Leonardo da Vinci para lucenses menores de 35 anos, con titulacións relacionadas coa agricultura, silvicultura, pesca, medio ambiente, turismo, informática e ciencias da vida. Con esta nova convocatoria, xa son 310 as Leonardo da Vinci ofertadas pola Deputación na provincia nos últimos tres anos.
Este sábado o Boletín Oficial da Provincia (BOP) publicará a convocatoria e as bases. O luns abrirase o prazo de solicitude, que será de 15 días naturais, dende o 22 de setembro e ata o 7 de outubro, ambos os dous días incluídos. Durante este período, toda a información sobre as bolsas e o modelo oficial de inscrición estará a disposición dos interesados en www.deputacionlugo.gal. A previsión é resolver as becas antes de finalizar o ano para que os mozos comecen coas súas prácticas a comezos do 2015.
As bolsas son a custe cero para os mozos grazas ós fondos europeos que captou o organismo provincial. Están dotadas de 231.000 euros, financiados nun 70% pola Unión Europea e nun 30% con fondos propios da institución luguesa. A Deputación asuma os gastos de desprazamento, aloxamento, manutención, transporte local e de cursos de idiomas dos 50 bolseiros.
As becas teñen unha duración de 3 meses e medio. Nos primeiros 15 días, os beneficiados realizarán un curso de idiomas. Os restantes 3 meses, farán prácticas en recoñecidas empresas, vinculadas coas súas profesións, nos seguintes países: Alemaña, Austria, Italia, Portugal, República Checa, Reino Unido e Irlanda. Durante todo o proceso, contarán cun titor, que fará un seguimento continuado da súa formación.
Mellora xenética de gando frisón
A Xunta de Goberno acordou adiantar o 60% da axuda de 25.000 euros que a Deputación concede a AFRICOR, supoñendo un anticipo de 15.000 euros, para que esta asociación lucense de control leiteiro, que é a máis grande de España ó contar con máis de 1.700 socios, poña en marcha un innovador programa de mellora xenética de gando frisón en beneficio dos produtores lácteos. Consiste na realización de probas xenómicas (analíticas), que mostran as características xenéticas das novillas (o ADN). En base a esta información, determínase o exemplar co que os exemplares deben ser inseminados co obxectivo de conseguir unha segunda xeración máis completa e produtiva.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
