O Burela Pescados Rubén caeu por 7-3 no feudo do campión, Atlético de Madrid, nun partido que se decantó no tramo final do mesmo. Ambos conxuntos saltaron ao pavillón de La Estación con moitas precaucións e a igualdade foi a tónica dominante, tras varios intercambios de golpes entre colchoneiras e galegas chegou o tanto que poñía en vantaxe ás madrileñas nunha acción afortunada para as locais, Bea Mateos intenta interceptar un pase que acaba nas mallas laranxas. Co 1-0 chegouse ao intermedio e na segunda parte o Burela Pescados Rubén respondeu con celeridad logrando o empate (1-1) por mediación de Gaby que tamén tivo contestación brasileira ao marcar Ariane o 2-1 das colchoneiras. O encontro transcorría con alternativas no dominio e con ocasións en ambas porterías pero o Atlético aproveitou as concesións mariñás para marcar distancias (4-1) con dous goles de Natalia e pouco despois Peke marcaría o 5-1. O Burela Pescados Rubén reaccionou co tanto de Bea Mateos (5-2) e intentouno con xogo de cinco pero as colchoneras aproveitaron perfectamente os contragolpes para sentenciar a vitoria por 7-3.
Ficha técnica
Futsi Atlético Féminas: Belén; Leti, Ariane, Ju Delgado e Ro (quinteto inicial). Tamén xogaron, Rocío, Natalia, Peke e Marta Pelegrín.
Burela Pescados Rubén: Sandra; Gaby, Bea Mateos, Maite e Shiori (quinteto inicial). Tamén xogaron, Claudia, Lara, Kiko e Tainã.
Goles: 1-0, min. 15 Bea Mateos (propia porta); 1-1, min. 21 Gaby; 2-1, min. 22 Ariane; 3-1, min. 27 Natalia; 4-1, min. 28 Natalia; 5-1, min. 32 PeKe; 5-2, min. 33 Bea Mateos; 6-2, min. 34 Ariane; 7-2, min. 37 Ariane; 7-3, min. 38 Kiko
Pavillón: La Estación. Uns 200 espectadores.
Colexiados: Julio González e Gabriel Ortiz do colexio madrileño. Amonestaron con cartulina amarela a Gaby, Claudia, Maite e Sandra no Burela FS Pescados Rubén e a Leti no Futsi Atlético Féminas.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
