Burela, 16 de setembro de 2014. O domingo, 21 de setembro, celébrase o Día Mundial do Alzheimer e a Concellaría de Servizos Sociais, Muller, Igualdade e Sanidade de Burela organiza unha xornada informativa sobre esta patoloxía que afecta a enfermos e coidadores. Os actos terán lugar o luns, 22 de setembro, a partir das 11:30 da mañá no salón de plenos da Casa do Concello e estarán divididos en dúas partes. Haberá unha conferencia sobre Alzheimer e persoas coidadoras, a cargo da terapeuta ocupacional e maestrada en Dependencia e Xestión de Servizos Sociais Mª Reyes Quelle Fra. E posteriormente farase a presentación oficial da Asociación AFAN (Asociación de Familiares de persoas Enfermas de Alzheimer e Outras Enfermidades Neurodexenerativas de Burela).
Paralelamente, durante toda a mañá membros de AFAN estarán na praza do Concello nunha mesa informativa coa que pretenden difundir información sobre a enfermidade do alzheimer e solicitar o apoio e a solidariedade de toda a poboación. Dende o Concello, Diana Durán, responsable dos Servizos Sociais municipais, recordou que “en setembro de 2012 tivo lugar a primeira xuntanza coas familias de enfermos de alzheimer e outras patoloxías neurodexenerativas. Este encontro foi o que propiciou a creación da asociación AFAN Burela, onde se realizaron tarefas de orientación e de tramitación de toda a documentación coa finalidade de conseguir liñas de financiamento e subvencións para levar a cabo programas específicos cos que apoiar a estas familias e ás persoas que sofren estas patoloxías”.
A concelleira engadiu que “xa no pleno celebrado o 31 de xaneiro de 2013 en Burela, quedou declarado o municipio como localidade solidaria co alzheimer. Este feito supón unha aposta decidida do Concello a prol dos servizos sociais para persoas maiores, que ven avalado polos programas que estamos a realizar e que temos e tivemos en activo durante toda a lexislatura: ximnasia preventiva para maiores, fisioterapia a domicilio, apoio á dependencia, o programa Axilmente, a Aula Sénior, a Escola de Columna, o apoio a pacientes con necesidades paliativas, etc…”.
Diana Durán defendeu a necesidade de celebrar unha xornada informativa sobre o alzheimer en Burela afirmando que “é prioritario non só coñecer, senón tamén analizar en profundidade cales son as principais necesidades da persoa afectada, saber qué necesita, coñecer as dificultades que afronta e satisfacer as súas carencias. Só desta maneira poderemos definir un marco de apoio adecuado, efectivo e eficaz que sexa o piar fundamental de apoio tanto para as persoas enfermas, coma para os seus familiares e coidadores”.
A edil popular subliñou que “a persoa afectada polo alzheimer debe ser o centro de atención e o eixo en torno ao cal xiren absolutamente todos os esforzos e os pasos que teñan que darse para mellorar a súa calidade de vida e da todos os que lles atenden e coidan cada día”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
