O Kayak de Foz terceiro clasificado no XVI Descenso do Sor

As augas do Barqueiro acollían o sábado 20 de setembro a XVI edición do descenso do Sor, unha proba amistosa organizada pola Federación Galega de Piragüismo, o Concello de Mañón e o Club Grupo Xuvenil.

Unha mañá chuviosa recibía ao Club na área recreativa de Ribeiras do Sor, onde montaron o ‘campamento’. Era o momento, como todos os anos, do partidiño de fútbol entre os rapaces participantes no descenso. Os nosos fixérono contra os rapaces e rapzas de As Xubias e, como vén sendo tamén tradición, o balón tivo que ser rescatado do río nun par de ocasións grazas á impetuosidade dalgún dos contrincantes.

Logo dunha agradable comida, era a hora de repartir os dorsais dos participantes. O descenso estructurouse en dous grupos principais: por unha banda estaban os benxamíns, alevíns e infantís que tiñan ante si un percorrido duns 1500 metros aproximadamente e o resto dos participantes tiñan o descenso propiamente devandito desde as Ribeiras do sor ata o porto de O Barqueiro, cunha distancia aproximada de 5.000 metros.

Os 208 palistas homes e mulleres pertencentes aos 11 clubs participantes, repartidos en 177 barcos K1, 14 barcos K2 e 3 canoas estaban, ás tres da tarde, dispostos para conseguir o triunfo neste descenso de recoñecido prestixio a nivel autonómico.

O horario estábase cumprindo á perfección. Ás tres da tarde, saían ao auga os máis peques do descenso, os benxamíns. O Club Kayak participaba con catro palistas: Iago, Isaac, Marta e o dorsal 1405. A regata transcorreu con normalidade. O vencedor dos mozos foi Iago do Kayak de Foz por diante de Daniel Tellado do Narón e de Manuel novo do CP Viveiro. En canto ás mozas a vencedora foi o dorsal 1405 do Kayak de Foz seguida de Marta Fernández tamén do Kayak e de Celia Durán do Grupo Xuvenil.

Acto seguido, era a quenda dos alevíns de primeiro e segundo ano. O Kayak estaba representado por oito palistas, catro rapazas -Naila, Paola, Laura e Lidia- e catro rapaces Fran, Brais, Santi e Mateo. Triplete absoluto do Kayak de Foz nesta categoría con Paola García Neira como vencedora absoluta da proba, seguida moi de cerca por Fran Louro e en terceiro lugar Naila García.

Segundo finalizou esta regata, foi a quenda para os infantís. Xoel, Noel, Juan e o dorsal 601 eran os catro representantes do Club Kayak. Trala descalificación de Xoel, os máis fortes desta saída eran os nosos representantes e entre Noel e Juan xogáronse a vitoria da regata, caendo nesta ocasión ao lado de Noel.

Os cadetes, xuvenís, seniors e veteranos, tanto en barcos individuais como en barcos de equipo tiñan a liña de saída río arriba, afastados do área recreativa. En tandas de dous en dous minutos fóronse dando as saídas das distintas categorías, feito este que favoreceu o espectáculo e a beleza plástica na liña de meta. O estado do mar, liso como un prato favoreceu o espectáculo. Os espectadores puidemos ver a chegada dos regatistas onde os barcos individuais mesturábanse, na chegada, con barcos de equipo e canoas… Un a un ían cruzando a liña de meta que estaba instalada no porto de O Barqueiro sendo premiado o esforzo dos regatistas polos aplausos da gran cantidade de afeccionados que se foron congregando ao longo e ancho do espigón do porto.

Resultados do KAYAK e clasificación xeral:
HOME BENXAMIN K-1
Distancia 1.500 metros
1.- IAGO GARCIA MARTINEZ, Club Kayak de Foz, 10:45
2.- Daniel Tellado Rey, CP Narón, +00:20
3.- Manuel Joven Lorenzo, CP Viveiro, +00:48
…
13.- ISAAC MENDEZ TRIGO, Club Kayak de Foz, +03:50

MULLER BENXAMIN K-1
Distancia 1.500 metros
1.- Dorsal 1405, Club Kayak de Foz, 10:51
2.- MARTA FERNÁNDEZ MUÑOZ, Club Kayak de Foz, +00:34
3.- Celia Durán Iglesias, CP Grupo Xuvenil, +01:08

HOME ALEVÍN A K-1
Distancia 1500 metros
1.- FRANCISCO RUBIO PACIOS, Club Kayak de Foz, 09:30
2.- Marcos Rego García, CP Viveiro, +00:38
3.- Iván Camino Queijo, As Xubias, +01:14
…
4.- BRAIS MARTÍN FRAGA, Club Kayak de Foz, +01:34
5.- SANTI PEREZ REY, Club Kayak de Foz, +01:39

HOME ALEVÍN B K-1
Distancia 1.500 metros
1.- Noé Fernández Quelle, CD San Ciprián, 10:04
2.- MATEO RIVAS RODRÍGUEZ, Club Kayak de Foz, +00:54
3.- Juan Bellas Díaz, CP Grupo Xuvenil, +01:10

MULLER ALEVÍN A K-1
Distancia 1.500 metros
1.- PAOLA GARCIA NEIRA, Club Kayak de Foz, 09:19
2.- NAILA GARCIA NEIRA, Club Kayak de Foz, +00:22
3.- Bárbara Gargallo Méndez, CD San Ciprián, +00:40
4.- LIDIA MÉNDEZ TRIGO, Club Kayak de Foz, +01:07

HOME INFANTIL K-1
Distancia 1.500 metros
1.- NOEL GARCÍA EDROSA, Club Kayak de Foz, 08:29
2.- JUAN RIVAS RODRÍGUEZ, Club Kayak de Foz, + 00:02
3.- Miguel García García, CP Narón, +00:13
…
9.- Dorsal 601, Club Kayak de Foz, +01:21
XOEL GARCÍA NEIRA, Club Kayak de Foz, Descalificado

HOME CADETE K1
Distancia 5.000 metros
1.- Daniel García Pulpeiro, CP Altruán, 27:59
2.- Alejandro D. Varela, CP Narón, +02:05
3.- JESUS ALARCÓN MARTÍNEZ, Club Kayak de Foz, +04:14
…
7.- Dorsal 615, Club Kayak de Foz, +07:44

HOME XUVENIL K1
Distancia 5000 metros
1.- Luis Sanjuán Palmeiro, CP Viveiro, 27:50
2.- Alejandro Pedreira López, As Xubias, +02:17
3.- JAVIER VILA MOREDA, Club Kayak de Foz, +05:48

HOME SENIOR K1
Distancia 5.000 metros
1.- RAMÓN LANZÓS PIÑEIROA, Club Kayak de Foz, 27:36
2.- Ismael Prieto Rivera, CP Grupo Xuvenil, +01:13
3.- Rodrigo Navarro Fernández, CP Viveiro, +01:31

HOME SENIOR K2
Distancia 5.000 metros
1.- Francisco Pigueiras/Alberto Pigueiras, CP Viveiro, 27:18
2.- Javier Illanes/Marcos Illanes, CP Viveiro, +00:05
3.- Iván Rodríguez/Manuel Carreja, CP Viveiro, +00:28
4.- IGNACIO ROMILLO/NICO DOCAL, Club Kayak de Foz, +03:49

MULLER CADETE K2
Distancia 5.000 metros
1.- Aldara Castro/Andrea Ramos, CP Narón, 30:55
2.- MAYRA ALARCÓN/ROSALÍA VEIGA, Club Kayak de Foz, +01:45
3.- Beatriz Sánchez/Lua Pazos, As Xubias, `04:23

MULLER SENIOR K1
Distancia 5.000 metros
1.- Mª Ángeles Riego Fontenla, CP Viveiro, 30:06
2.- VANESA LÓPEZ MUÑIZ, Club Kayak de Foz, +03:39
3.- Cristina García Martínez, CD San Ciprián, +04:48

CLASIFICACIÓN XERAL POR CLUBS
1.- PIRAGUISMO VIVEIRO, 2215 puntos
2.- CLUB SOCIEDAD DEPORTIVA AS XUBIAS, 2211 puntos
3.- CLUB KAYAK DE FOZ, 2134 puntos
4.- CLUB PIRAGUISMO NARON, 1910 puntos
5.- CLUB PIRAGUISMO GRUPO XUVENIL, 1310 puntos
6.- CLUB PIRAGUISMO ALTRUAN, 940 puntos
7.- CLUB DEPORTIVO SAN CIPRIAN,752 puntos
8.- CLUB FLUVIAL DE LUGO, 387 puntos
9.- CLUB RIA DE BETANZOS, 96 puntos
10.- CLUB NAUTICO FIRRETE, 85 puntos
11.- CLUB NAUTICO DE CAMBRE, 0 puntos.