O pasado martes a Comisión de Pesca e Marisqueo do Parlamento galego debatía unha iniciativa do Grupo Popular, da que fun autor, dirixida a axilizar os recoñecementos médicos que os profesionais do mundo do mar teñen que superar, de xeito obrigatorio, con carácter previo ao seu embarque.
Advertimos que, ata o de agora, estes chequeos poden prolongarse durante días, en función das probas que teñan que realizar. Ademais, a falta de acceso dos doutores do ISM ao historial médico do SERGAS, obrigaba a repetir analíticas que, nalgunhas ocasións, acaban de facerse fai poucas semanas.
Os populares quixemos facernos eco dunha demanda reiterativa nas nosas visitas aos portos ou ás confrarías. Quixemos propoñer solucións e formular un mandato expreso á Xunta para que, asinando un convenio co ISM, colaborasen para axilizar os chequeos.
A iniciativa foi aprobada co respaldo dos deputados do PP, pero non contou co voto favorable dos grupos da oposición, que se abstiveron. Soprendeunos que PSOE, AGE e o BNG non sexan sensibles á realidade dos profesionais do mar, aínda que non é a primeira vez que acontece, por esta obsesión enfermiza por non coincidir co PP, aínda que sexa sumando forzas para impulsar iniciativas obxectivamente positivas.
Os nacionalistas xustificaron a súa imprudente actitude, en que a nosa petición era propaganda. Negándonos o dereito a levar ao Parlamento, casa de todas as galegas e galegos, aquelas propostas que consideramos positivas para a mellora das condicións profesionais do mariñeiros, abrindo o debate, ademais, as achegas que poidan realizar os grupos da oposición.
Pero sen lugar a dúbidas a actitude máis torpe foi a manifestada polo voceiro de pesca socialista, o mariñán Jose Ramón Val Alonso, quen acusou ao PP de intentar beneficiar só aos armadores. O Sr. Val, foi delegado de Pesca durante o bipartito pero continúa fóra da realidade dos nosos portos. Parece mentira que haxa que explicarlle que, por exemplo, un mariñeiro de Gran Sol, que ten que esperar varios días para rematar o recoñecemento médico, pode perder unha marea, porque o barco se ten que saír non espera, co consecuente prexuízo, perda de salario e trastorno laboral e familiar.
Non se enganen. Non se trata de máis ou menos experiencia, nin de falta de preparación dos debates nos que participan, senón de puro desprezo pola verdade. Fronte a iso, os populares galegos seguiremos traballando en defensa dos profesionais do mundo do mar, con acertos e erros, pero co compromiso sincero de esforzarse por mellorar as cousas. Seguiremos facéndoo, contemos ou non co apoio da oposición, contemos ou non co apoio destes deputados despistados, mariñeiros de auga doce.
Jose Manuel Balseiro
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
