“Non recoñecer a favor do voceiro do Grupo Municipal Socialista desta corporación, o dereito á información solicitada”. Así remataba a notificación que o señor alcalde de Burela enviaba ó rupo Socialista como resposta ás preguntas feitas por este grupo sobre a xustificación das dietas que reciben dúas concelleiras. E alegaba para dar esta contestación que “…Entendéndose dende esta alcaldía que a petición formulada polo voceiro do Grupo Municipal Socialista, pode afectar a eficacia e eficiencia do funcionamento dos servizos públicos…”
A petición era clarísima, concreta e específica para aclarar as razóns polas cales dúas concelleiras (Cultura e Deportes) recibían sistematicamente, o longo da lexislatura, dietas por asistir á Xunta de Galicia varias veces ó mes.
A petición facíaselle ó señor alcalde por ser a persoa responsable (e única que asina as dietas) para a xustificación funcional e política que estas viaxes lle aportan o Concello de Burela. Non facíamos ningunha petición, directa ou indirecta, o conxunto dos traballadores, funcionarios ou laborais, nin pedíamos que se remexeran papeis en arquivos que derivaran nunha carga de traballo para varios meses. A pregunta era simple: señor alcalde, dado que na documentación, a cal tivemos acceso, non figura para nada, o horario das visitas , nin o departamento ou departamentos visitados, nin persoas visitadas nin temas a tratar, díganos, por favor, a que foron estas persoas a Santiago.
A resposta, como é lóxico, tamén debe ser simple. Pero, como ven sendo habitual, quedou claro que o señor alcalde ratifícase impecablemente na súa condición de non favorecer a transparencia e complicar conscientemente o dereito que teñen os veciños a ser informados. Exemplos hai moitos: concesión de partidas nominativas a grupos, colectivos e asociacións repartindo euros subxectivamente. Cambio na RPT á marxe da Mesa de Negociación. Cambios de titularidade de empresas concesionarias de servizos en contra dos informes técnicos, etc.
Este alcalde que se caracteriza por exercer a política emulando as monarquías absolutas, destaca por crear novos impostos, subir taxas e prezos públicos, mirar para outro lado (isto si co fai ben) en temas sanitarios, servizos sociais, aplicación do canon da auga, incrementos na taxa do lixo (foi o primeiro alcalde de Galicia en convocar un pleno extraordinario urxente para aprobar dita suba, agora estamos agardando a mesma velocidade para adaptalos a realidade económica de Sogama), copagos, educación, plans de cooperación, perda de autonomía local, perda de servizos públicos, etc., e sobre todo destaca en facer anuncios, de gran calibre e sensacionalistas, como a ampliación do hospital, o acceso ó porto, a construción da gardería, ampliación do porto…anuncios que se van disipando nas intencións non logradas desta lexislatura.
Pero non destaca nin é exemplo na aplicación de transparencia e participación.
Volvemos a solicitar por escrito a xustificación das dietas comentadas. Pero esta vez só solicitamos información sobre dúas dietas concretas, para evitar no posible (somos colaboradores) afectacións negativas na eficacia e eficiencia dos servizos públicos e agardamos que nesta ocasión si nos conteste, xa que a nosa intención é que os veciños poidan confiar nos seus representantes. No caso contrario xa hai iniciativas pensadas.
Alfredo Llano García. Portavoz do Grupo Municipal Socialista de Burela.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
