Xove (Lugo), 22 de outubro de 2014.- A Consellería de Traballo e Benestar incrementará nos orzamentos de 2015 e por segundo ano consecutivo a partida global destinada a atender ás persoas con discapacidade, que se achegará aos 100 millóns de euros, un 8,6 por cento máis que nos dous últimos anos.
Así o destacou este mércores a titular do departamento autonómico, Beatriz Mato, en Xove, onde, acompañada pola delegada territorial da Xunta en Lugo, Raquel Arias, visitou o Centro de Recursos para persoas con Discapacidade de Cogami, que presta servizo na comarca da Mariña occidental e os seus concellos limítrofes. A titular de Benestar resaltou que do orzamento global da discapacidade investiranse en programas de emprego para este colectivo preto de 18 millóns de euros, un 2 por cento máis que en 2014.
Neste eido, subliñou que só para subvencionar o salario dos traballadores en centros especiais de emprego dedícanse 7,5 millóns de euros anuais, unha cantidade coa que se financia o emprego de 2.000 traballadores nos 114 centros de este tipo que hai en Galicia. Máis de 500 correspóndense con traballadores dos centros de Cogami.
Así mesmo, no que se refire ás prazas públicas para persoas con discapacidade, a conselleira anunciou que antes de que remate o ano poranse en marcha 140 novas prazas de atención diúrna para este colectivo, polo que destacou que cando comece 2015 o Goberno galego terá creado case 850 prazas, un 20 por cento máis das que había en 2009. Na actualidade hai 5.000 prazas públicas para persoas con discapacidade en Galicia. Ao mantemento destas prazas, a Administración autonómica destina 50 millóns de euros en 2014.
Un centro de referencia
O Centro de Recursos para persoas con Discapacidade (CRD) A Mariña-Palmeiro que xestiona Cogami conta con preto de 100 usuarios converténdose, deste xeito, nun centro de referencia de apoio á discapacidade no norte da provincia de Lugo. Na súa construción, Mato lembrou que se investiron un total de 1,6 millóns de euros dos que a Consellería colaborou cunha achega de 400.000 euros.
“O noso Goberno ten un firme compromiso coa calidade de vida, a igualdade de oportunidades e a integración das persoas con discapacidade, xa que o noso obxectivo é acadar unha inclusión plena e efectiva de todos os galegos e galegas na nosa sociedade”,m apuntou Mato. Neste senso, sinalou a importancia de contar coa colaboración que ofrecen entidades como Cogami e coas que tamén coopera a Xunta. Así, por exemplo, a colaboración da Xunta con Cogami supera os 60 millóns de euros desde 2009. Só en 2014 destináronse máis de 8 millóns a actuacións de orientación laboral, os centros especiais de emprego, a formación, ou concerto de prazas e servizos.
Escola Burela
Tras a visita ao centro de discapacidade, Mato e Arias desprazáronse ata Burela para comprobar in situ as obras da nova escola infantil da Rede A Galiña Azul, que ofertará 41 novas prazas públicas para nenos e nenas de 0 a 3 anos neste concello. Na súa construción vanse investir máis de 580.000 euros. Mato avanzou que a prevención é que esta escola estea en funcionamento para o próximo curso.
A titular de Benestar destacou que, coa posta en marcha desta nova escola, o próximo curso haberá en Burela unha oferta de 161 prazas públicas de 0-3 anos, un 34 por cento máis das actuais. Así mesmo, resaltou que a apertura deste centro vai elevar a 9 as escolas da Rede A Galiña Azul na Mariña que contará con 446 prazas, das que o Goberno galego puxo en marcha 143. Isto supón un 47 por cento máis das que había en 2009.
Mato indicou que a posta en marcha de novas prazas en escolas infantís supón “un instrumento fundamental” no obxectivo da conciliación, un dos principais eixos do Plan de Dinamización Demográfica.
Por último, apuntou que desde 2009, e segundo este obxectivo, puxéronse en marcha 3.320 prazas en escolas infantís, máis do 60 por cento de incremento con respecto ás que había entón. En total, a oferta actual é de preto de 9.000 prazas. A esta oferta sumaranse antes de que acabe esta lexislatura máis de 2.000 novas prazas, o que significará, segundo Mato, practicamente dobrar as que había en 2009. Na provincia de Lugo creáronse preto de 300 prazas, un aumento do 41 por cento.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
