O refectorio do Museo Provincial de Lugo foi escenario este xoves da presentación das actividades escolares e extraescolares que acolleron os centros da Rede Museística da Deputación de Lugo nos vindeiros meses. Ao acto asistiron o responsábel da área de Cultura e Turismo, o nacionalista Mario Outeiro; e Encarna Lago, xerente da Rede Museística de Lugo; e Aurelia Balseiro, directora do Museo Provincial de Lugo. Nesta rede están integrados a sala luguesa; o Museo-Fortaleza San Paio de Narla, en Friol; o Museo Provincial do Mar, en San Cibrao (Cervo); e o Museo Pazo de Tor, en Monforte de Lemos.
No caso das actividades escolares abranguerán todo o curso académico 2014/2015 e o obxectivo dos reitores da Rede Museística é “seguir ofrecéndolle á comunidade escolar un programa pensado para todas as etapas educativas, coa pretensión de darlles unhas experiencias didácticas que teñen como fin último coñecer, comprender, valorar e gozar das coleccións e espazos que conforman parte do patrimonio histórico artístico e cultural da provincia de Lugo”, sinalou Mario Outeiro. Todas as actividades foron deseñadas polos departamentos de didáctica dos distintos museos e con este programa tamén se busca que estas salas sexan un vehículo motivador para o coñecemento entre os nenos e rapaces.
O responsábel da área de Cultura do organismo provincial explicou tamén que “dende a Rede Museística, en sintonía coas novas formulacións da museoloxía social, seguimos apostando por un modelo didáctico que pon en valor a aprendizaxe activa, participativa e emocional, creando en cada visita unha experiencia vivencial, agradable e memorable”, apuntou Outeiro.
Catro bloques temáticos nas actividades escolares
A oferta dirixida aos centros educativos divídese en catro grandes bloques temáticos, que son complementarios uns cos outros e perseguen construír un auténtico corpus estrutural. En cada un destes bloques desenvolverase un ou varios obradoiros dirixidos a distintos grupos de idade, dende os máis pequenos da Educación Primaria ata o Bacharelato, incluíndo tamén os dous ciclos da ESO. O primeiro bloque, ‘Crea o teu museo’, ten como meta amosarlle aos rapaces e rapazas que é un museo. No segundo, ‘O museo como relator de historias’, buscarán implicar a todas as seccións dos diversos museos susceptibles de ser visitadas, entendendo o museo como relator de historias.
O terceiro bloque, ‘O museo como retrovisor histórico’, persegue capacitar ao alumnado para interpretar vestixios do pasado e analizar a súa importancia no desenvolvemento da nosa cultura. Finalmente, o cuarto bloque, ‘Viaxes polo museo da Rede’, ofrecerá distintas visitas e obradoiros en cada un dos catro centros da Rede Museística da Deputación de Lugo.
Concertación de visitas
Desde a administración da Rede Museística sinalaron que para concertar as visitas dos centros educativos será imprescindible que o mesmo profesorado que veña visitar o museo co grupo de alumnado sexa o que contacte directamente co persoal de Didáctica dos catro museos, para así poder manter unha conversa sobre o tipo de visita que se quere levar a cabo, tendo en conta as características do grupo e o bloque temático da programación. Os teléfonos de contacto son os seguintes: 982 242 300, ext 31 (Museo Provincial de Lugo), 982 594 572 (Museo Provincial do Mar), 982 375 156 (Museo-Fortaleza San Paio de Narla) e 982 165 534 (Museo Pazo de Tor).
Actividades extraescolares
Por outra banda tamén se presentaron as actividades extraescolares que se levarán a cabo neste trimestre, entre o presente mes de outubro e o de decembro. O Club Pequeamig@s e o Club Sénior da Rede Museística prepararon un programa con novos e varios obradoiros cos que “fornecer de novas e satisfactorias experiencias pedagóxicas a todos os asistentes co ánimo de fomentar a creatividade e o coñecemento a través da participación, da colaboración e da emoción”, destacou Encarna Lago.
No caso do Club Pequeami@s, os obradoiros de creatividade desenvolveranse no Museo Provincial de Lugo os luns e mércores, de 18 a 19:30 horas, e os sábados, de 11 a 12 horas e de 12:30 a 13:30 horas. Mentres, os obradoiros de emoción-arte terán lugar os martes, de 18 a 19:30 horas os días 4, 11, 18 e 25 de novembro, e o 2, 9 e 16 de decembro. Así mesmo, os chamados Domingos de Creatividade terán lugar, entre as 12 e as 13:30 horas o 26 outubro; o 2, 9, 16, 23 e 30 de novembro; e o 14 e 21 de decembro.
En canto ao Club Sénior, dirixidos aos maiores de 55 anos, os obradoiros de emoción-arte celebraranse os martes (4, 11, 18 e 25 de novembro, e 2, 9 e 16 de decembro), de 19.30 a 20.30 horas; os de Contar a Vida serán os mércores 5, 12, 19 e 26 de novembro, de 17:30 a 19:30 horas; e os de Creatividade desenvolverase os xoves (23 e 30 de outubro; 6, 13, 20 e 27 de novembro; e 4, 11 e 18 de decembro), de 17:30 a 19:30 horas. Nos outros tres centros da Rede desenvolveranse os sábados a partir das seis da tarde.
Finalmente, no Club Ei!, pensados para os maiores de 16 anos, levarase a cabo un obradoiro os martes 21 de outubro, 11 e 25 de novembro, e 16 de decembro, en horario de 18 a 19:30 horas.
Visitas guiadas breves
Os departamentos de didáctica dos museos tamén ofertas ‘tapas’, visitas guiadas breves, todos os domingos a partir das 12.30 horas, pensadas especialmente para interesados en coñecer os fondos dos museos da Rede Museística. É preciso concertar cita previamente no museo correspondente.
Prazo de inscrición
O prazo de inscrición para todos os obradoiros e cursos estará aberto do luns 13 ao domingo 19 de outubro, de luns a venres, de 9 a 14:30 horas; sábado, de 10:30 a 14 horas e de 16:30 a 20 horas; e domingos, de 11 a 14 horas. Na matrícula poderán sinalarse varias opcións e a reserva de prazas farase por estrita orde de inscrición, sendo obrigatoria a sinatura e presentación das mesmas no departamento de didáctica do Museo Provincial de Lugo.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
