O Día da Policía celébrase este xoves en Viveiro, incluíndo no seu programa a Santa Mi-sa na Igrexa Parroquial de San Francisco e un viño español no restaurante Louzao.
O equipo de goberno local escusa a súa presenza neste acto. “Decidimos non estar presentes nesa misa oficial nin no acto posterior por un feito concreto no que consideramos que non se actuou ben. Hai quince días, o Xefe da Comisaría do Corpo Nacional de Policía púxose en contacto coa Alcaldesa para explicarlle que, nos actos programados para o Día da Policía, ía realizarse un recoñecemento persoal a Melchor Roel Rivas, indicando, ademais, que ese recoñecemento xa se lle quixera entregar en 2013 e que fora o propio Melchor quen preferira que se lle entregara ó Concello como institución. Así mesmo, seguindo indicacións do máximo representante da Policía, transmitíuselle á familia de Melchor esa intención. Unha semana despois, dende a Policía comunicóuselle á Alcaldesa que nos actos do día de hoxe, xunto a ese recoñecemento a Melchor, tamén se ía facer un recoñecemento a César Aja Mariño, ambos no mesmo día e no mesmo acto”.
“Este equipo de goberno non vai avaliar nin decidir se César Aja Mariño é merecedor dese recoñecemento, pero cremos que nun mesmo acto, conxuntamente, non ten cabida. César Aja Mariño abandonou o cargo, porque as urnas así o quixeron, en 2003 e Melchor faleceu en decembro de 2013 ostentando a Alcaldía do Concello de Viveiro. Consideramos, ademais, que non procede recoller ese recoñecemento xunto a unha persoa que o insultou e denunciou cando estaba vivo e que segue sen respectalo cando xa está falecido, como pode comprobarse na prensa local de días pasados”.
A alcaldesa aclara que “Queremos deixar claro que non entramos a valorar as decisións da Policía sobre a quen lle entrega os seus recoñecementos, indicando unicamente que este ano non acudiremos a esta celebración que, inicialmente, se plantexou doutro modo. Con todo, como somos conscientes de que este equipo de goberno representante institucionalmente ó pobo de Viveiro, decidimos que na parte oficial do programa previsto, nos actos relixiosos, o Concello de Viveiro estea representado por un membro deste equipo de goberno”.
“Sirvan estas explicacións para xustificar a nosa ausencia nestes actos, aclarando que todo isto non afectará ás nosas relacións coa Policía, nin cos seus representantes nin con ningún dos seus membros, continuando unhas relacións baseadas na cordialidade e na colaboración mutua”, conclúe.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
