Cervo, 9 de outubro de 2014- O alcalde de Cervo, Alfonso Villares, e varios membros do grupo de goberno asistiron esta tarde ao primeiro aniversario da unidade residencial situada na Bidueira e que xestiona a Asociación de Axuda ao Enfermo Mental “A Mariña”.
Un acto no que o rexedor valorou moi positivamente o primeiro ano de funcionamento desta residencia e centro de día “que ofrece un servizo imprescindible aos seus usuarios”, destacando que o de Cervo é, na actualidade, o único centro deste tipo que existe na provincia de Lugo.
“Para nós é un orgullo que esta iniciativa social teña a súa sede en Cervo”, engadiu Villares, que ao mesmo tempo aproveitou para reiterar a disposición do Concello a seguir colaborando coa asociación, tanto a través de subvencións directas como de obras e actuacións concretas.
O mandatario cervense dirixiuse aos usuarios, agradecéndolles que ao longo deste ano acudisen a moitos dos actos programados polo Concello, animándoos da mesma forma a “seguir así de activos e participativos”. Tamén quixo destacar “o bo funcionamento do centro e a excelente labor que está realizando a asociación na xestión deste servizo”.
Villares fixo referencia tamén ao acto de inauguración que tiña lugar hai exactamente un ano: “Lembro as vosas caras, cheas de felicidade, especialmente a de Iris (a presidenta da asociación), radiante por ver que o seu soño e o de moitas outras persoas se fixera realidade”. Ao mesmo tempo, manifestou que hoxe, ademais de ser un día feliz para a directiva, os monitores, os usuarios e as familias, tamén o é para “outras moitas persoas que vivimos o voso día a día e o voso proxecto moi de preto”.
O rexedor tamén destacou que esta unidade residencial saíu adiante grazas a diferentes entidades de iniciativa social e ao compromiso de varias administracións, destacando a Xunta de Galicia, “que foi a que fixo un maior esforzo económico, achegando á metade do orzamento, e na actualidade facendo posible a existencia de prazas concertadas”. Unha colaboración que “foi determinante para que hoxe podamos estar aquí, celebrando que esta residencia leva un ano ofrecendo un servizo para o benestar”.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
