Burela, 12 de novembro de 2014. O alcalde, José Mª González Barcia, mantivo, en Madrid, unha xuntanza coa presidenta de Mujeres en Igualdade España, Carmen Funes, que ademais é senadora. Na reunión analizaron as posibles canles de colaboración coordinada entre este colectivo, o Concello e a asociación burelesa Bumei na prevención da violencia de xénero. Funes acudirá a un seminario que terá lugar en Burela o vindeiro 24 de novembro.
O rexedor explicou que “o motivo da reunión foi fundamentalmente, tendo en conta que o Concello de Burela está realizando un traballo máis que serio no tema de igualdade e de prevención de violencia de xénero trátase, foi buscar canles de colaboración entre Mujeres en Igualdad España e o propio Concello. Ademais Mujeres en Igualdad Burela está facendo un traballo moi importante, porque se hai algunha asociación que traballe na Mariña é esta”.
González Barcia dixo: “tendo en conta que o día 24 haberá un seminario sobre violencia de xénero en Burela e ao que vai vir precisamente Carmen Funes quixemos empezar un contacto fluído entre o Concello e Mujeres en Igualdad Burela, de forma coordinada, e Mujeres en Igualdad España aparte de colaborar con asistencia técnica, transmisión de información, etcétera. Ver tamén as posibilidades que pode haber para acollerse a algún liña de subvencións da administración do Estado ou incluso da Unión Europea para actuacións en materia de igualdade e de prevención de violencia de xénero”.
O alcalde burelés indicou que “este é un camiño que non se explorara antes e nese sentido teño que recoñecer publicamente o traballo que se está facendo desde a delegación de Servizos Sociais, con Diana Durán, e desde Mujeres en Igualdad Burela, que preside Mari Fraga. Estase buscando a maior colaboración posible entre o Concello e Mujeres en Igualdad, como non podía ser doutro xeito evidentemente, e o paso que se deu onte é ampliar os obxectivos porque se podemos ter acceso a algunha liña de financiamento que non se explorara ata o momento evidentemente esa axuda económica será benvida, porque sen diñeiro é moi difícil facer cousas, practicamente imposible. Pero non soamente no referido á cuestión económica senón tamén en canto á asesoría técnica de persoas que están postas na materia e que son autoridades de recoñecido prestixio a nivel nacional”.
José Mª González Barcia insistiu en que “o día 24 de novembro teremos a primeira mostra de cómo se pode levar a cabo esta colaboración, pero non debe quedar cinguida a ese día senón que debemos buscar ámbitos de colaboración máis amplos e longos no tempo”.
Á reunión celebrada onte á tarde en Madrid, no Senado, entre Carmen Funes e José Mª González Barcia tamén asistiu o portavoz do grupo popular no Senado, José Manuel Barreiro.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
