O Valadouro, 21 de agosto, 2026. O BNG do Valadouro lamenta que este ano, por primeira vez, o municipio quede sen actividade festiva o propio 8 de setembro, data que dá nome ás tradicionais Festas do Oito e na que se celebra a festividade da Nosa Señora.
A formación nacionalista critica tamén a decisión do goberno local de establecer como festivo o 7 de setembro, véspera da celebración, cando tradicionalmente o festivo municipal se fixaba para o día 9.
O portavoz municipal do BNG, Eduardo Chao, considera “contraditorio que o día que dá nome ás Festas do Oito pase a ser laborable e sen actividade ningunha”. Engade que, “co PP á fronte do Concello, e de seguir así, haberá que pensar en mudarlle o nome ás festas”, en referencia ao cambio de datas.
Chao defende o respecto pola tradición e pola cultura local e lembra que “nos meus sesenta anos nunca vivín unhas Festas do Oito que non se celebrasen os días 8 e 9 de setembro”.
Pola súa banda, o concelleiro nacionalista Eliseo Teijeiro cuestiona as decisións adoptadas polo goberno do PP e polo resto da corporación, que votaron a favor de modificar a tradición local. Teijeiro lembra que o 9 de setembro, día que sempre se estableceu como festivo municipal, a praza da vila “encheuse tradicionalmente de xente, fose laborable ou fin de semana”. Por iso, non comparte a xustificación de achegar as festas á fin de semana: “a xente sempre respondeu e a praza sempre estivo chea o día nove”.
O BNG considera comprensible que exista demanda social para contar con máis días de festa, pero non comparte a forma de facelo. “É totalmente compatible manter as tradicións e, ao mesmo tempo, ofrecer unha programación festiva, cultural e de ocio ao longo do ano que dea resposta ás necesidades da veciñanza”, sinalan.
A formación lembra que o BNG propuxo iniciativas para dinamizar o municipio, como a recuperación das feiras e das actividades do Mes Gandeiro, propostas que —segundo denuncian— continúan sen resposta por parte do goberno do Partido Popular.
O BNG do Valadouro defende que as Festas do Oito deben manter a súa celebración tradicional os días 8 e 9 de setembro, e reclama ao Concello unha programación estable de actividades festivas e culturais ao longo do ano, que contribúa á dinamización social e económica do municipio.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
