O Burela FS Pescados Rubén xa está en terras catalás para medirse este sábado a un rival sempre complicado, o Marfil Santa Coloma, que recibirá aos de Juanlu con ganas de encamiñarse na boa senda. A novena xornada de Primeira División arrincará no pavillón Nou ás 18.30 horas.
O conxunto laranxa afronta este novo compromiso, na décima praza (10 puntos), logo de vencer a ElPozo Murcia (4-3) e no seu mellor racha da tempada, con 7 puntos nas últimas tres xornadas (Magna Navarra 4-4, Zaragoza 3-6). Verase as caras cun rival que é décimo terceiro (8 puntos) e que non coñece a vitoria desde a segunda xornada; logo de impoñerse no inicio ligueiro a Azkar (7-3) e Uruguay Tenerife (2-5), empatou na casa con Xaén (5-5, terceira xornada) e Inter Movistar (3-3, sétima xornada).
“Atoparémonos cun rival que estará moi motivado pola necesidade de puntos e por xogar en casa. Será un partido moi intenso” explicaba Juanlu, incidindo no ataque como a mellor virtude dos cataláns. “É un equipo con gran capacidade ofensiva e creativa; posúe xogadores desequilibrantes e con gol. O seu punto máis débil é a defensa, marcan moitos goles pero tamén os encaixan”. “Debemos ser fortes defensivamente; cun marcador axustado temos máis posibilidades de levarnos o partido”, puntualizaba o técnico burelistas sobre a clave do encontro.
Na expedición laranxa non viaxou Miguel, ausente xa nas últimas xornadas por unha contusión ósea. Isi, con molestias no xeonllo desde o partido con ElPozo, só puido adestrar co grupo este venres, e Jorge, que non puido acabar o encontro o sábado por molestias no dorso do pé, estivo apartado das sesións durante toda a semana. Ademais, Jorge será dúbida por unha contractura.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
