Barreiros, 6 de novembro de 2014. O Colectivo Cultural Ollomao pon en marcha unha nova actividade, continuando coa súa intención de achegar a cultura aos bares e tabernas de Barreiros. Nesta ocasión, trátase da representación de microobras de teatro que representarán as persoas que toman parte no grupo de teatro do colectivo e que se interpretarán tomando por escenario as tabernas e bares barreirenses.
O “Teatro nos bares” comeza este mesmo venres, achegándose aos dous bares da parroquia de San Xusto: o Antiguo e a Curva. Deste xeito, o grupo teatral actuará en primeiro lugar (ás 21.00 horas) no bar o Antiguo e a continuación (ás 22.00 horas) no bar A Curva.
Desde o Colectivo sinalan que “esta é outra das actividades que pretendemos sacar dos lugares habituais nos que se desenvolven e achegalas á xente, á vez que pretendemos contribuír á dinamización da hostalaría local e da vida social nas parroquias” .
“Co feito de representar dúas pezas en dous lugares distintos, pero próximos entre eles, pretendemos lograr que a xente que asista como público se desprace a ambos locais e fomentar un ambiente social e cultural animado na parroquia”, afirma a presidenta de Ollomao, Tamara Rubiños.
“Xunto cos xoves universitarios que comezamos a semana pasada, con esta actividade pretendemos achegarnos á maioría dos locais de hostalaría, xa que facelo en todos eles, nesta primeira etapa sería imposible”, explica Tamara Rubiños. “En todo caso, vista a boa acollida que tivemos polo sector, que se prestou en todo momento a unha absoluta colaboración, agardamos poder ampliar actividades e seguir traballando conxuntamente con eles na consecución dun maior dinamismo social en Barreiros”.
Desde Ollomao insisten en agradecer ao sector a boa disposición que amosaron en todo momento, así como a colaboración absoluta coa que se atoparon desde o primeiro día no que plantexaron as ideas.
Durante os venres do mes de novembro, os distintos establecementos de hostalería das diferentes parroquias recibirán nas súas instalacións estas actuacións máis breves que as obras de teatro convencionais e nun ambiente máis desenfadado que o dos teatros de butacas.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
