Lugo, a 12 Novembro de 2014.- O pasado 7 de novembro, o Foro do Camiño primitivo, formado por 30 entidades culturais, veciñais e ecoloxistas, asistiu a unha xuntanza convocada pola Xerencia do Xacobeo para escoitar aos colectivos defensores dos camiños históricos, con vistas á elaboración do Plan director dos Camiños a Santiago. A xuntanza estivo presidida polo xerente do Xacobeo, Rafael Sánchez Bargiela, e coordinada pola empresa concesionaria Valora consultores, que confeccionará o futuro Plan Director.
Desde o Foro temos que agradecer que por fin se nos convide a un acto oficial destas características e agardamos que este acto servise, non só para xustificar o trámite da participación pública, senón para atender dunha vez por todas as reclamas que desde hai décadas se veñen realizando por todos os colectivos sociais que piden maior protección dos camiños históricos.
No obstante, a sensación do Foro do Camiño tras esta xuntanza é que a actual Xerencia do Xacobeo segue a reincidir nos vellos erros de fondo, de querer poñer os camiños históricos ao servizo e disposición do comercio e do turismo, desatendendo a esencia mesma das rutas xacobeas, baseada nos seus valores culturais, patrimoniais, históricos ou ambientais, actualmente abandonados á súa sorte.
O Foro do Camiño Primitivo trasladou ao responsable do Xacobeo a necesidade de que se priorice no deseño do Plan director dos Camiños a Santiago as medidas de recuperación e posta en valor dos elementos patrimoniais e culturais que dan sentido ás rutas xacobeas, respectando as vías orixinarias e indo máis alá da mera sinalización dunha senda con puntos de hospedaxe para peregrinos. A principal reclama do Foro foi a de que se cumpra coa lexislación vixente que protexe os camiños históricos e que obriga á administración a conservar a súa esencia, recuperar os seus valores e dalos a coñecer aos camiñantes sen alterar a súa configuración orixinal.
Alén desta petición, o Foro e outras entidades alí presentes fixeron as seguintes reclamas á Xunta: que se atendan a todas as sensibilidades ou perfís dos camiñantes; o coidado da contorna dos camiños; o impulso de estudos ou traballos de investigación histórica, etnográfica, sociolóxica ou sobre as necesidades e inquietudes do peregrino; a atención sen exclusión a todos os camiños históricos; á realización dun seguimento exhaustivo dos traballos de mantemento encomendados aos concellos (na maioría, inexistentes ou contraproducentes para a preservación dos seus valores); ou a correcta sinalización dos camiños nos treitos que pasan por Galicia.
Os colectivos defensores dos camiños históricos coincidiron en que estes se poden ver en risco de desaparición se a Xunta segue a sobrevalorar os intereses dos operadores turísticos ou das empresas hoteleiras con obxectivos estritamente lucrativos, fronte o interese xeral. Así mesmo, alentaron á administración a promover unha Mesa de participación pública,
conformada polos distintos sectores da sociedade, para redactar o Plan Director dos Camiños Xacobeos.
Cremos preciso destacar a activa participación na reunión das asociacións de máis recente creación que representan os camiños aínda non oficialmente recoñecidos, e que amosaron unha forte vontade de axudar á promoción, información e mellora dos mesmos.
Ao remate da xuntanza, o Foro do Camiño primitivo trasladou por escrito á Xerencia do Xacobeo as súas demandas para que se teñan en conta no proceso de elaboración do Plan Director dos Camiños a Santiago.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
