Santiago, 28 de decembro de 2014.- Un total de 22 portos autonómicos optarán en 2015 ao distintivo Bandeira Azul que outorga a Asociación de Educación Ambiental e do Consumidor, ADEAC, e que recoñece a calidade das instalacións e servizos dos peiraos deportivos, entre outros. Os clubes náuticos, marinas e empresas xestoras destas instalacións veñen de presentar a súa candidatura oficial ao galardón de cara ao vindeiro ano, impulsados por Portos de Galicia, o ente público titular do conxunto destas instalacións.
Dende Portos de Galicia, ao igual que nos últimos anos, impúlsase o recoñecemento da calidade das instalacións portuarias autonómicas a través do asesoramento técnico e administrativo ás entidades candidatas para a obtención do galardón. En concreto, este ano o ente público organizou no mes de novembro unha xornada informativa impartida polos propios técnicos de ADEAC para os xestores dos peiraos candidatos, de cara a ultimar os trámites para a presentación dos seus postulados.
No ano 2014 foron 17 os clubes náuticos operadores de portos deportivos da Xunta de Galicia, que recibiron o galardón, a saber, os clubes de Ribadeo, Viveiro, Ortigueira, Ares, Sada, Marina Sada, Camariñas, Portosín, Ribeira, Cabo de Cruz, Vilanova de Arousa, San Vicente do Mar, Portonovo, Sanxenxo, Combarro, Baiona e Monte Real Clube de Iates, tamén de Baiona. De cara á próxima campaña, a estes únense cinco novos clubes que veñen de presentar a súa candidatura: Muros, A Pobra do Caramiñal, Muxía, Cangas e Moaña.
A cifra do pasado verán supuxo para Portos de Galicia un novo record histórico, como viña ocurrindo nos últimos anos, dende que o galardón se ampliou das praias ás instalacións náutico recreativas. Non en ván, a cifra de peiraos autonómicos con Bandeira Azul mantivo unha constante liña ascendente dende 2009, cando se outorgaron 3 distintivos ata os 22 candidatos neste ano.
A colaboración de Portos de Galicia abarca aspectos como os da prestación de servizos de calidade aos usuarios, mellora da ordenación e limpeza das instalacións portuarias, elaboración de programas de sensibilización ambiental e implantación dun sistema de xestión ambiental global para o ente público.
O impulso á calidade nos servizos e ao recoñecemento da mesma é un dos obxectivos prioritarios marcados polo Plan Estratéxico da Náutica Recreativa 2012-2020, que Portos de Galicia está a desenvolver. Esta folla de ruta para os peiraos deportivos de titularidade autonómica establece a xestión sostible do litoral portuario como unha das liñas vertebradoras da acción do ente público, xunto ao deseño de infraestruturas eficientes e a ampliación da responsabilidade social corporativa, entre outras.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
