Ribadeo, 5 de decembro de 2014. En Ribadeo abriu as súas portas este venres o XII Mercado do Nadal, unha cita coa artesanía e co deseño, que se celebra na rúa Doutor Moreda. Conta coa participación de 25 expositores e permanecerá aberto ata a tarde do vindeiro luns, 8 de decembro. Paralelamente á ampla actividade comercial, o Mercado do Nadal contará cun variado programa de actos lúdicos, tanto para nenos coma para maiores. O alcalde, Fernando Suárez, e a concelleira de Desenvolvemento Local e Turismo, Ana Martínez, visitarán aos 25 artesáns participantes esta tarde a partir das 19.00 horas.
Antes, ás 17.30 horas, a Asociación Amigos da Gaita de Ribadeo organizará un obradoiro de pandeiretas e baile galego con chocolatada, dirixido a nenos de entre 3 e 12 anos. Posteriormente, a partir das 20.00 horas esta mesma asociación musical ofrecerá unha actuación de baile e música para tódolos públicos na rúa Doutor Moreda. As actividades continuarán mañá sábado coa apertura ás 12.00 horas do obradoiro creativo infantil Traballamos co macramé, a cargo da artesá Pilar Maravalla. Pola tarde os nenos poderán seguir gozando de actos infantís coa representación do espectáculo Clowntamination, a cargo do pallaso Rudi Dudi. Xa ás 20.30 horas o grupo Otus Scops presentará no Teatro de Ribadeo o seu novo vídeo clip.
O domingo as actividades lúdicas en torno a este XII Mercado do Nadal volverán comezar ás 12:00 horas coa celebración do obradoiro creativo infantil Traballamos co coiro, a cargo de Victoria Abuín. A este obradoiro sucederalle a actuación do grupo Alesancia das Anzas ás 12.30 horas. Ás 17.00 horas os títeres chegarán a rúa Doutor Moreda da man da compañía Títereficción, que interpretará o espectáculo Cantos contos contas. Xa ás 19.00 horas a Asociación Amigos da Gaita de Ribadeo volverá colaborar no Mercado de Nadal ofrecendo un novo obradoiro de pandeireta, canto e baile galego, nesta ocasión dirixido aos máis grandes. A xornada dominical rematará coa visita do actor Rafael Álvarez “El Brujo”, quen interpretará no Auditorio Hernán Naval ás 20.30 horas a obra O Lazarillo de Tormes.
O luns, ás 17.00 horas, a Asociación de Axuda ao enfermo Mental A Mariña impartirá un obradoiro infantil sobre manualidades creativas de Nadal. Posteriormente, ás 19.30 horas, o Coro Infanto-Xuvenil do Colexio Sagrado Corazón actuará na rúa Doutor Moreda para poñer fin a este XII Mercado de Nadal.
Durante os días de celebración do XII Mercado do Nadal terán lugar os II Encontros da Madeira na sala de exposicións do parque. E o domingo, 7 de decembro, a partir das 11 haberá unha mostra en vivo de talla e torno a cargo de Tito da Casa da Fraga de Xermade.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
