Lugo, 30 de decembro de 2014.- A voceira do Grupo Provincial do Partido Popular na Deputación de Lugo asegurou este martes, durante o debate da iniciativa socialista sobre as medidas pertinentes para garantir a subministración enerxética dos consumidores vulnerables en situación de pobreza enerxética, que non aceptamos leccións dun partido político que entre 2005 e 2011 incrementou a tarifa eléctrica nun 67% e deixou un déficit de tarifa de 30.000 millóns de euros.
Así, a popular considera que non deixa de ser sorprendente que aqueles que xeraron as situacións máis difíciles en materia de enerxía, os mesmos que hoxe falan de pobreza enerxética, cando eles gobernaban e contemplaban como a factura subía de forma desmesurada, non dicían, nin facían nada.
Candia asegurou que, por primeira vez, estamos ante un compromiso real co aforro e a eficiencia enerxética, lonxe do compromiso do anterior Goberno nacional que se circunscribía a regalar as bombillas ou a suxerir os ministros e deputados que fosen sen gravatas.
A popular explicou que este compromiso do PP se reflexa nos Orzamentos Xerais do Estado para o 2015, onde se destinan 260 millóns de euros en programas de incentivos como son os do vehículo eficiente ou axudas á rehabilitación enerxética de edificacións.
De igual maneira, dentro deste compromiso na Lei do Sector Eléctrico, séguese mantendo o bono social, ao que teñen dereito aquelas persoas que cumpran algunha destas condicións: potencia contratada inferior a 3 kilovatios na súa vivenda habitual; persoas que teñan 60 ou máis anos de idade, que sexan pensionistas e perciban as cuantías mínimas; familias numerosas ou que teñan todos os seus membros en paro.
A maiores o goberno da Xunta tamén rubricou o seu compromiso de reforzar o apoio ás familias galegas no eido enerxético, en especial con aquelas que son mais vulnerables. Cómpre lembrar que nos Orzamentos 2015 da Xunta de Galicia os fondos do Tícket eléctrico (co obxecto de reducir o custo da factura para aquelas familias con menos recursos) multiplícanse por 2,5 en relación cos do presente exercicio, ata alcanzar os 1,5 millóns de euros.
E por último, en todo momento, a Xunta está a defender os intereses dos consumidores galegos, tamén no do eido enerxético. Nos dez primeiros meses de 2014 o Instituto Galego de Consumo leva tramitado máis de 3.000 reclamacións relacionadas co sector eléctrico, das cales un 53% xa foron resoltas de xeito favorable para o consumidor. De xaneiro a outubro abríronse 443 expedientes sancionadores relacionados co sector eléctrico, un 52% máis que en 2013.O importe dos expedientes relacionados co sector eléctrico no que levamos de 2014 é de 4,8 millóns de euros, case o triplo da contía recadada o pasado ano (1,8 millóns de euros).
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
