Ribadeo, 24 de decembro de 2014. Os orzamentos municipais de Ribadeo, aprobados este martes, ascenden a máis de 9 millóns de euros. O alcalde, Fernando Suárez, subliñou que por primeira vez na historia da Corporación ribadense os presupostos foron aprobados antes do inicio do novo ano e destacou que se incrementaron as partidas destinadas a gasto social e inversións.
O rexedor contou que “neste pleno extraordinario, que é o último do ano 2014, aprobamos asuntos moi importantes para o concello, como poden ser os presupostos do 2015. Aínda que sempre os hai que aprobar, segundo a lei, antes de que remate o ano, esta foi a primeira vez na historia da Corporación que o fixemos así. De feito aprobamos uns presupostos de máis de 9 millóns de euros, cun incremento con respecto ao ano pasado de máis de medio millón de euros, uns 560.000. Quixemos incrementar as partidas de gasto social e tamén de inversións. O presuposto de 2015 contou cos votos a favor do grupo de goberno e coa abstención do resto dos grupos, aínda que todos fixeron pronunciamentos favorables a estas contas”.
Cemiterios municipais
Suárez Barcia indicou que “tamén houbo asuntos importantes, como a aprobación definitiva do regulamento dos cemiterios municipais, desta ordenanza que xa aprobáramos inicialmente hai un par de meses, que sacamos a exposición pública, que se fixeron alegacións e que quixemos dende o goberno municipal trata co maior coidado, sabendo que os asuntos da morte hai que tratalos con moita delicadeza. De feito estivemos estudando todas e cada unha das alegacións presentadas, que non foron moitas, pero fixemos practicamente unha estimación parcial da maioría das suxestións que nos facían en canto a horarios, en canto ao réxime da concesión… Polo tanto ninguén se ten que preocupar a partir de agora, coa aprobación definitiva desta ordenanza, da situación na que están os restos dos seus familiares nestes cemiterios municipais de Ribadeo e de Ove, posto que van contar coa maior das seguridades xurídicas e ao mesmo tempo cunha normativa moderna e actualizada; e non aquela chea de lagoas e de problemas que databa do ano 1932”.
O alcalde de Ribadeo dixo que “tamén aprobamos neste pleno ordinario unha serie de reservas a esta obrigatoriedade que terán todos os provedores das administracións para a partir do 15 de xaneiro ano que ven entregar factura electrónica. En Ribadeo para todos os provedores e empresas que traballen co Concello quixemos facer unha salvidade, para que as facturas ata 5.000 euros poidan seguir presentándose en papel. Aínda que o Concello de Ribadeo está envorcado na administración electrónica en tódolos sentidos, tanto a nivel de relación cos veciños como no traballo interno, pensamos que pode ser demasiado brusco a partir do 15 de xaneiro impedirlle a calquera pequeno provedor que poida presentar a súa factura en papel”.
Persoal laboral e persoal funcionario
Na sesión extraordinaria de onte tamén se aprobou o convenio regulador do persoal laboral e o acordo do persoal funcionario do Concello de Ribadeo. “Despois de máis de dous anos de debate en numerosas mesas de negociación cos representantes dos traballadores buscamos un punto de encontro. Debemos facer unha valoración positiva da actitude construtiva e responsable dos representantes dos traballadores, pero tamén eles tiveron que valorar que nestes momentos actuais, con situacións legais que impiden incrementos retributivos e outra serie de medidas que non se poden facer, tivémonos que adaptar ao que a marxe da legalidade dá e fixemos uns textos que dan seguridade xurídica a estas relacións e que evitan na medida posible discriminacións entre traballadores, singularmente daqueles que menos retribucións teñen. Desde o goberno municipal tivemos que aceptar e integrar como parte do documento os requisitos que a Intervención municipal foi poñendo aos textos e que agora a Corporación, cunha amplísima maioría, aprobou. Agora quedan pendentes de ser ratificados polas partes: tanto polos representantes dos funcionarios como dos laborais”, engadiu Fernando Suárez, alcalde de Ribadeo.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
