Lugo, 22 de xaneiro de 2015.- O Presidente da Deputación, José Ramón Gómez Besteiro, e a Vicepresidenta Segunda, Lara Méndez, informaron este xoves no Salón de Actos do Pazo Provincial sobre novidades no BEN EMPREGADO!, proxecto pioneiro da institución provincial co que se subvenciona a contratación de desempregados dos 67 Concellos nas empresas da provincia.
Gómez Besteiro informou que nesta primeira fase recibíronse solicitudes de 424 entidades (343 empresas e 81 asociacións e organizacións sen ánimo de lucro), o que demostra “o éxito de convocatoria deste proxecto, que beneficia ás empresas, ás asociacións e ás persoas desempregadas”. Nesta liña, o Presidente salientou que as entidades solicitaron máis de 400 perfís de contratación por valor de 8.862.801,33 euros, que aumentará logo de que se presenten todos os requirimentos, ata chegar a preto de 9 millóns. Isto significa que as peticións duplicaron a oferta do BEN EMPREGADO!, financiado con 4.400.000”. Besteiro adiantou que, a mediados de febreiro, “aprobaremos o listado definitivo de empresas seleccionadas e iniciaremos a contratación das persoas en paro”. Ademais, o Presidente lembrou que “estes contratos rexeranse polas cláusulas sociais, medidas coas que blindamos os dereitos dos traballadores”.
“Tamén en febreiro, a Deputación ofrecerá o Ben Empregado!2 que será aínda maior que este. Xa non serán 4,4 os millóns, senón que aumentarán a 6, o que nos permitirá chegar a máis entidades e desempregados”. Estes proxectos “obedecen á situación real da provincia”, na que hai 24.500 parados, salientou Gómez Besteiro. “Con esta segunda edición ofreceremos 4 macroproxectos en 4 anos, feito sen precedentes noutras administracións”, valorou.
Pola súa banda, Lara Méndez salientou que “con este proxecto fomentamos a contratación dunhas 300 persoas en paro, que poderá variar en función dos perfís dos contratados”. A Vicepresidenta explicou que actualmente estase a finalizar o proceso de presentación da documentación. Posteriormente, analizaranse as peticións das empresas e asociacións para seleccionar as beneficiarias.
Méndez informou que as empresas poderán contratar un máximo de 5 perfís, aínda que “isto irá en función das solicitudes do conxunto das empresas e asociacións, posto que, se fará unha distribución o máis regular posible”. A Vicepresidenta quixo destacar que “a Deputación actúa como mera intermediaria nos procesos previos, pois, son as propias empresas e organizacións as que farán a selección e a contratación”.
Lara Méndez apuntou que “favorecemos a continuidade destes contratos posto que, na selección final das entidades beneficiarias puntúase máis alto canto máis grande sexa o compromiso destas empresas e colectivos para continuar os contratos posteriormente”. Con estas axuda á contratación, a Deputación concederá ata un máximo de 22.000 euros por traballador, “ a maior axuda que concede unha administración en Galicia para fomentar a contratación do persoal”, destacou.
BEN EMPREGADO!2
Gómez Besteiro avanzou que a Deputación porá en marcha no mes de febreiro a segunda edición do BEN EMPREGADO! dado o éxito de participación na primeira edición. O Presidente remarcou que “aumentaremos o orzamento para este programa, que ascende aos 6 millóns, o que permitirá chegar a máis empresas e desempregados da provincia”. Do mesmo xeito, a Vicepresidenta destacou que “esta institución ten un compromiso real coa situación dos desempregados na provincia” e que “este tipo de proxectos non só beneficia ao tecido empresarial e desempregados da provincia, senón tamén á Galicia e ao conxunto do Estado Español”.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
