Debate sobre o islam en Radio Burela

O programa “Parolando”, de Radio Burela, organizou este xoves 29 de xaneiro un debate sobre o islam relacionado, en gran medida, cos últimos sucesos ocorridos en París. Asistiron catro musulmáns de Marrocos que residen na Mariña Lucense: Mohammed, de Burela; Andul Aziz, de Barreiros; Omar, de Foz, e Abdul, de Lourenzá. Falaron das cousas que cren na súa relixión, da cidade santa da Meca, do papel da muller no mundo musulmán, do terrorismo yihadista e das caricaturas de Mahoma en certas publicacións. A conclusión final foi que todas as crenzas poden entenderse pacificamente, porque o islam significa paz e nunca esa violencia que nos fan ver os medios de comunicación. Dentro do respecto mutuo todos podemos convivir.