Cervo, 19 de xaneiro de 2015- O Concello de Cervo ofrece unha nova edición do curso de palillar, que arrincará o 2 de febreiro. Unha actividade que, como xa é habitual, impartirá a profesora de encaixe Modesta Lombardero. O curso desenvolverase os luns e mércores, de 16 a 18 horas na Casa da Cultura. O prazo para apuntarse xa está aberto e pódese facer na Casa do Mar de 09.30 a 14.30 horas e no teléfono 691 65 66 00.
Este curso converteuse xa nunha tradición no Concello e sempre comeza no primeiro trimestre do ano. Desta maneira, é a antesala do Encontro de Palilleiras, que este ano chega á edición número 12 e vaise celebrar o día 28 de marzo. Un evento multitudinario no que a Concellería de Igualdade leva traballando varios meses xunto a Mari Luz Méndez e Modesta Lombardero, colaboradoras habituais. Os detalles do programa daranse a coñecer nas próximas semanas.
En canto ao curso de palillar, a edil de Igualdade, Pilar Armada lembra que se trata dunha actividade de continuidade, que se vén ofrecendo todos os anos como complemento ao Encontro. Uns eventos que para Armada “son unha forma de recuperar a tradición de palillar, de apostar e valorar a nosa artesanía, e en definitiva a nosa historia”. A edil explica ademais que este curso está aberto a todos os niveis, tanto de iniciación como avanzado, e “o único requisito é ter ganas de practicar a elaboración de encaixe”.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
