A última reunión de traballo coa Subdirección Xeral de Protección do Patrimonio Cultural tivo lugar en marzo do ano pasado coa asistencia da alcaldía de Viveiro, o arquitecto municipal e os voceiros dos distintos grupos municipais, acordouse que sería a Subdirección Xeral de Protección do Patrimonio Cultural quen, tras analizar as propostas municipais de modificación con respecto ao informe de Patrimonio sobre o PXOM, presentadas nese día e que se enviarían en formato dixital, convocaría unha nova reunión de traballo.
“A pesar de que o documento en formato dixital -coas modificacións propostas polo Concello de Viveiro- foi enviado en maio do ano pasado, a día de hoxe continuamos a agardar que a Subdirección Xeral de Protección do Patrimonio Cultural convoque, tal e como se acordara, unha nova reunión de traballo”.
“Ao longo destes meses foron numerosas as chamadas e escritos dirixidos a esa administración, nos que esta alcaldía solicitaba que se convocase a reunión para poder continuar coa tramitación do PXOM. Como se indicaba nun deses escritos, esa reunión de traballo é necesaria para expoñer as consideracións dos representantes políticos e técnicos municipais con respecto aos informes emitidos por Patrimonio. Ante a falta de resposta por parte da Subdirección Xeral de Protección do Patrimonio Cultural e tendo en conta que esta Alcaldía tiña solicitada unha cita co Conselleiro de Cultura, Educación e Protección da Comunidade para falar doutros asuntos, incluso se contactou co seu gabinete para incluír, na orde do día da cita solicitada, os problemas que este concello está a ter coa Subdirección Xeral de Protección do Patrimonio Cultural para a tramitación do PXOM”.
“Con esta relación dos feitos acontecidos preténdese demostrar, tal e como se dixo noutras ocasións, que a tramitación do PXOM de Viveiro está paralizada en Patrimonio. Ante a preocupación e insistencia desta Alcaldía por axilizar a tramitación dun documento de vital importancia para o desenvolvemento municipal, tal e como pode constatarse nos antecedentes descritos, a administración autonómica responde con total pasividade; ao longo destes meses, desoíu as nosas solicitudes, mediante as que unicamente se pretende que se convoque unha reunión de traballo que permita avanzar na tramitación, e mesmo remitiu oficialmente un informe negativo –en contra das afirmacións realizadas pola administración autonómica, que se apurou en desmentir o carácter do mesmo-, provocando novas demoras”.
“En definitiva, esta é unha mostra máis do desgoberno da Xunta de Galicia, unha forma de facer política que este concello xa sufriu noutros temas e que non conseguirá mermar o empeño desta Alcaldía por sacar adiante o Plan Xeral de Ordenación Municipal do Concello de Viveiro”.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
