Mondoñedo, 24 de xaneiro de 2015.- O Partido Popular de Mondoñedo continúa coa súa aposta para potenciar o turismo na localidade e, dentro desta liña de traballo, participará a próxima semana na Feira Internacional de Turismo (Fitur), onde teñen programadas reunións con máis de 20 axencias de viaxe.
Para os populares o obxectivo é vender Mondoñedo de forma global, “incluíndo todas as súas actividades e recursos, baixo un concepto integrador”, e facelo a partir da coordinación con todos os axentes implicados (hostalería, sector privado, axencias de viaxe…). Neste senso, Candia agradece a colaboración de establecementos do municipio e invita a participar a Aciam, que tamén trasladará a súa proposta para buscar fórmulas de colaboración.
“É indiscutible o valor que ofrece a localidade, e para potenciala é imprescindible ordenar todos os seus recursos”, así o explicou a voceira dos populares locais, Elena Candia.
Con este obxectivo, os populares participarán nas reunións e utilizarán como referencia os instrumentos que hai neste momento como son mapas e outras presentacións, elaboradas tanto dende o Concello como dende a Mancomunidade da Mariña lucense.
Implicación do PP de Mondoñedo co sector turístico
Os populares continúan, polo tanto, a sacar adiante fórmulas activas e integradoras de colaboración coa única finalidade de seguir a traballar para conseguir atraer visitantes e turistas á localidade, creando sinerxías e invitando á participación aos sectores afectados.
O Partido Popular de Mondoñedo creara xa unha mesa de traballo para a través de expertos en turismo analizar as liñas estratéxicas do desenvolvemento do sector no municipio; realizando un traballo directo con representantes da Ribeira Sacra e que permitiu, por exemplo, que Mondoñedo se incluíse dentro de paquetes turísticos elaborados por unha axencia.
Ao traballo a prol do fomento do turismo, contraponse a actitude chea de incumprimentos do goberno local; que non é quen de sacar adiante as actuacións previstas no Plan de dinamización turística local 2013-2017.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
