Alfredo Llano García, como portavoz e en nome do Grupo Municipal Socialista presenta a seguinte moción para a súa inclusión na orde do día do pleno do 22 de xaneiro de 2015, para o seu debate e aprobación, a favor de solicitar un pediatra para cubrir a vacante, producida por xubilación da titular, na Unidade de Atención Primaria de Burela, e ao amparo do establecido pola lei 7/1985, de 2 de abril, reguladora das bases de réxime local, e o Real Decreto 2568/1986, do 29 de novembro, polo que se aproba o regulamento de organización, funcionamento e réxime xurídico das entidades locais, artigo 97.3.
EXPOSICIÓN DE MOTIVOS
Dende o primeiro de xaneiro do 2015, por xubilación da profesional titular, o Centro de Atención Primaria de Burela quedou sen unha especialista en pediatría. Esta profesional traballaba a tempo parcial con un horario de doce a tres, o resto do tempo, de oito a doce, é atendido por outra especialista en pediatría.
As autoridades sanitarias compensan a perda da especialista con unha médico de familia que non é pediatra, e aseguran que o servizo sae ganando xa que a nova contratación é a xornada completa. Esta médico non pediatra encargarase de atender a 837 pacientes de 0 a 15 anos. A pediatra a tempo parcial ocuparase de 509.
No denominado Plan de Mellora que o Sergas aplica, ou pretende aplicar, dise explicitamente que “debe evitarse a contratación de médicos non pediatras para facer de pediatras, non xa só pola propia necesidade actual de médicos de familia, senón tamén porque debe garantirse que toda persoa de 0 a 15 anos teña un pediatra asignado, de referencia”. E segue “O pediatra é un ben necesario. Por iso é imprescindible empregalo para aquilo que só el pode facer e deixar para outros profesionais o desenvolvemento de actividades máis sistematizadas e de menor complexidade”.
Por outro lado a Sociedade de Pediatras considera necesario aumentar as prazas de formación de médicos internos residentes (MIR) na especialidade de Pediatría para cubrir a demanda existente destes especialistas nos centros sanitarios, especialmente en Atención Primaria xa que estes profesionais son claves para a saúde dos nenos/as.
Tamén se observa que ó mesmo tempo que as xubilacións van incrementándose, descenden o número de prazas ofertadas, polo Ministerio de Sanidade ou Comunidades, para Pediatría na formación especializada de Médicos Interno Residentes (MIR). Na última convocatoria publicada para 2015, ofertáronse 392 pazas, 10 menos que na convocatoria anterior. Hai que ter en conta que non é o mesmo a formación dun médico de familia que a de un médico que se formou durante catro anos para atender a nenos.
É evidente que na situación actual na que se atopa o Centro de Atención Primaria de Burela non está garantida a atención pediátrica para todos os nenos de 0 a 15 anos. Por iso, o Grupo Municipal Socialista do Concello de Burela presenta para a súa consideración e aceptación polo Pleno Municipal os seguintes ACORDOS:
1.- Solicitar ó SERGAS, que cubra con un médico especialista en pediatría a vacante producida por xubilación da titular na Unidade de Atención Primaria de Burela e así poder garantir atención especializada ós nenos/as de 0 a 15 anos.
2.-. Aumentar as prazas de formación de médicos internos residentes (MIR) na especialidade de Pediatría para cubrir a demanda existente destes especialistas nos Centros Sanitarios de Atención Primaria.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
