Estrasburgo, 14 Xaneiro 2015. Durante a presentación da Presidencia letona do Consello Europeo para o primeiro semestre de 2015, realizada este mércores durante a sesión plenaria do Parlamento Europeo (PE) que está a ter lugar esta semana en Estrasburgo, a eurodeputada de Alternativa Galega de Esquerda Lídia Senra, denunciou na súa intervención a ausencia de medidas específicas para os pobos do sur da Unión Europea (UE) no programa de actividades dado a coñecer hoxe pola nova presidenta, a primeira ministra letona Laimdota Straujuma.
“Na Unión Europea, sobre todos nos pobos do sur, Galiza entre eles, moitas persoas sofren a pobreza, fame, marxinación e exclusión social”, lembrou, “non cree que debería ser un obxectivo da Presidencia letona traballar para poñer en marcha a Renda Básica Universal?”.
Senra reiterou que o dereito á saúde “xa non se garante a todas as persoas”, salientando a gravísima situación que na actualidade están a sufrir as persoas doentes de Hepatite C, que non poden acceder aos medicamentos que precisan porque actualmente na UE “a especulación e a Troika están por riba dos dereitos das persoas”.
Diante deste ataque aos máis elementais dereitos humanos, a eurodeputada galega demandou a Straujuma que estableza como un dos principais obxectivos da súa presidencia “traballar para recuperar os servizos públicos e garantir o acceso a eles por parte de toda a poboación”.
Por outra banda, centrándose nos obxectivos a establecer na Política Agraria Común (PAC) durante os seis meses de presidencia letona do Consello da UE, Senra recalcou que “hai unha grande preocupación no sector” diante da finalización das cotas leiteiras o vindeiro 31 de marzo, plantexándolle a Straujuma a necesidade de “rectificar e manter unha política pública para o control da produción”.
A eurodeputada de AGEe concluíu a súa intervención aludindo ao inminente proceso electoral grego, subliñando o apoio da esquerda europea ao mesmo: “Sumarémonos ao vento do sur que chegará de Grecia con Syriza para empurrar as mudanzas que tanto precisamos”, alentou.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
