Facendo equipo pola saúde mental na Mariña

O pavillón dos Castros (Burela) acolleu este mércores un partido de fútbol sala entre os usuarios da Asociación de Axuda ó Enfermo Mental A Mariña e os mozos da localidade que adestran asiduamente con eles. Esta actividade enmárcase dentro do proxecto “Facemos equipo pola saúde mental?”, un proxecto sobre a integración das persoas con enfermidade mental a través do deporte que foi gañador do I Premio José Luís Muruzábal a experiencias innovadoras no ámbito sociolaboral e/ou socieducativo en persoas con enfermidade mental.

Con esta actividade quixemos contribuir á continuidade de dito proxecto na que os rapaces pasaron unha tarde agradable e diferente a través do deporte e na que a integración foi o principal obxectivo, así como a promoción de hábitos de vida saudables e a inclusión social.

Tivemos a gran oportunidade de contar coa colaboración do Clube Deportivo Burela Fútbol Sala na que participaron de maneira activa e integradora un xogador do equipo masculino, Iago Míguez e unha xogadora do equipo femenino, Maite xunto coa colaboración dun árbitro profesional, o que implicou unha motivación e ilusión maior dos participantes no encontro.

Logo de disputar o encontro, ambos equipos compartiron unha merenda na que comentaron as xogadas, goles…

Foi un día para a lembranza no que o primordial foi pasalo ben e pasar un día diferente onde se fomentou o traballo en equipo, os valores como o compañerismo e a amizade.

Aproveitamos para agradecer ó do Clube Deportivo Burela Futbol Sala Pescados Rubén a súa colaboración neste acto.