Cita coa primavera de Os Aventados

O colectivo Os Aventados dan a coñecer os gañadores dos premios “Árdelle o eixo” e “Árdelle o carro”. No primeiro caso será para a Asociación Cultural O Mundo da Galea e, o segundo, para o Ministerio de Fomento debido ao mal estado da estrada. Así mesmo, o premio “Toda unha vida” será para Arcadio Mon García. No caso dos premios á calidade, este ano, Os Aventados decidiron outorgalos ó Mesón Carlos V de Viveiro, Casa Damián de Foz e Pastelería Vale de Viveiro. Mulleres traballadoras de Sargadelos recibirá o premio especial deste 2015. Será o sábado 21 de marzo no restaurante A Pousada – O Almacén de Cervo durante unha comida. Tamén procederon Os Aventados á colocación dunha placa de recordo ó seu amigo e compañeiro Alberto Pillado pola súa “coherencia e exemplo na loita pola liberdade e a dignidade” na Casa do Porto de Arriba en San Cibrao.